श्रवणेन स्रवन्तीनां यः स्नायात् संगमेषु च । स संगच्छति स्वर्णेन हिरण्येन धनेन वा ॥
śravaṇena sravantīnāṃ yaḥ snāyāt saṃgameṣu ca | sa saṃgacchati svarṇena hiraṇyena dhanena vā ||
Sanskrit only: no published translation is held for this verse.
Library·Atharvavedaparisistas·1·1.45
Atharvavedaparisistas 1.45
श्रविष्ठाभिर् धनकामं [तु] स्नापयेद् यत्र चन्दनैः । एतत् स्नानं प्रयुञ्जानो धनधान्येन वर्धते ॥
śraviṣṭhābhir dhanakāmaṃ [tu] snāpayed yatra candanaiḥ | etat snānaṃ prayuñjāno dhanadhānyena vardhate ||
Sanskrit only: no published translation is held for this verse.
शतभिषग् भिषक्कामो ऽभिषिञ्चेच् छान्तिकर्मसु । सो ऽभिषिक्तो हतपाप्मा सर्वरोगैः प्रमुच्यते ॥
śatabhiṣag bhiṣakkāmo 'bhiṣiñcec chāntikarmasu | so 'bhiṣikto hatapāpmā sarvarogaiḥ pramucyate ||
Sanskrit only: no published translation is held for this verse.
[अथ] पूर्वयोः प्रोष्ठपदयो रोचनयाञ्जनेन च । स्नाता गजविषाणेन राजानं जनयेत् सुतम् ॥
[atha] pūrvayoḥ proṣṭhapadayo rocanayāñjanena ca | snātā gajaviṣāṇena rājānaṃ janayet sutam ||
Sanskrit only: no published translation is held for this verse.
अथोत्तर[योः] प्रोष्ठपदयोः प्रसन्नापद्मकं मधु । गन्धर्वं स्नापयेत् तेन राजवाही भविष्यति ॥
athottara[yoḥ] proṣṭhapadayoḥ prasannāpadmakaṃ madhu | gandharvaṃ snāpayet tena rājavāhī bhaviṣyati ||
Sanskrit only: no published translation is held for this verse.
खड्गस्य च विषाणेन जलेन मधुसर्पिषा । रेवत्यां क्षत्रियः स्नातो [राजा] पृथिवीम् अभिशासते ॥
khaḍgasya ca viṣāṇena jalena madhusarpiṣā | revatyāṃ kṣatriyaḥ snāto [rājā] pṛthivīm abhiśāsate ||
Sanskrit only: no published translation is held for this verse.
अश्विन्यां स्वस्तिकं माल्यं मदयन्तीप्रियङ्गुभिः । रूपाजीवायास् तत् स्नानं सौभाग्यं भोगवर्धनम् ॥
aśvinyāṃ svastikaṃ mālyaṃ madayantīpriyaṅgubhiḥ | rūpājīvāyās tat snānaṃ saubhāgyaṃ bhogavardhanam ||
Sanskrit only: no published translation is held for this verse.
भरणीभिर् भद्रमुस्तैस् त्व् एलासिद्धर्थकैस् तथा । स्नाता पतिकुलं गच्छेद् असपत्नम् अकण्टकम् ॥
bharaṇībhir bhadramustais tv elāsiddharthakais tathā | snātā patikulaṃ gacched asapatnam akaṇṭakam ||
Sanskrit only: no published translation is held for this verse.