Library·Atharvavedaparisistas·1·1.50
कम्बलं श्रवणे दद्याद् वस्त्रान्तरम् उपोषितः । श्रविष्ठाभिर् वस्त्रयुगं गन्धान् शतभिषग् भवेत् ॥
kambalaṃ śravaṇe dadyād vastrāntaram upoṣitaḥ | śraviṣṭhābhir vastrayugaṃ gandhān śatabhiṣag bhavet ||
Sanskrit only: no published translation is held for this verse.
अजं संपच्योदनं दद्यात् पूर्वयोः प्रोष्ठपदयोर् औरभ्रेण सहोत्तरयोः ॥
ajaṃ saṃpacyodanaṃ dadyāt pūrvayoḥ proṣṭhapadayor aurabhreṇa sahottarayoḥ ||
Sanskrit only: no published translation is held for this verse.
धेनुं च रूपसंपन्नां गौर् गृष्टिः पूर्णदोहनीम् । रेवत्यां त्रिवत्सां दद्याच् छुभकांस्योपदोहिनीम् ॥
dhenuṃ ca rūpasaṃpannāṃ gaur gṛṣṭiḥ pūrṇadohanīm | revatyāṃ trivatsāṃ dadyāc chubhakāṃsyopadohinīm ||
Sanskrit only: no published translation is held for this verse.
वस्त्रेणानड्वाहौ [सं]बद्ध्वा दद्याद् अश्वयुजो<र्> नरः । दश वर्षसहस्राणि लोम्निलोम्नि महीयते ॥
vastreṇānaḍvāhau [saṃ]baddhvā dadyād aśvayujo<r> naraḥ | daśa varṣasahasrāṇi lomnilomni mahīyate ||
Sanskrit only: no published translation is held for this verse.
अष्टौ वर्षसहस्राणि अजधेन्वा पयो ऽश्नुते । दश वर्षसहस्राणि गोधेन्वा पयो ऽश्नुते ॥
aṣṭau varṣasahasrāṇi ajadhenvā payo 'śnute | daśa varṣasahasrāṇi godhenvā payo 'śnute ||
Sanskrit only: no published translation is held for this verse.
अनड्वाहं तु यो दद्यात् सुहृदं साधुवाहिनम् । वीरं प्रजानां भर्तारं प्राप्नोति दशधेनुदम् ॥
anaḍvāhaṃ tu yo dadyāt suhṛdaṃ sādhuvāhinam | vīraṃ prajānāṃ bhartāraṃ prāpnoti daśadhenudam ||
Sanskrit only: no published translation is held for this verse.
[यदा वत्सस्य पादौ द्वौ शिरस् चापि प्रदृश्यते । तदा गौः पृथिवी ज्ञेया यावद् गर्भं न मुञ्चति ॥]
[yadā vatsasya pādau dvau śiras cāpi pradṛśyate | tadā gauḥ pṛthivī jñeyā yāvad garbhaṃ na muñcati ||]
Sanskrit only: no published translation is held for this verse.
भरणीभिः कृष्णतिलां दद्यात् [तिल]धेनुं पयस्विनीम् । तया दुर्गाणि तरति क्षुरधारांश् च पर्वतान् ॥
bharaṇībhiḥ kṛṣṇatilāṃ dadyāt [tila]dhenuṃ payasvinīm | tayā durgāṇi tarati kṣuradhārāṃś ca parvatān ||
Sanskrit only: no published translation is held for this verse.
नक्षत्राणां यथा सोमो ज्योतिषाम् इव भास्करः । भाति दिव्यं दिवं ज्योतिः पावकः शुचिर् उत्तमः ॥
nakṣatrāṇāṃ yathā somo jyotiṣām iva bhāskaraḥ | bhāti divyaṃ divaṃ jyotiḥ pāvakaḥ śucir uttamaḥ ||
Sanskrit only: no published translation is held for this verse.
एवम् उक्तां नक्षत्रदक्षिणां यो ददातीह जीवलोके । [[अ]]पहत्य तमः सर्वं ब्रह्मलोके महीयते । यथा यष्टुस् तथाध्येतुर् एषा ब्राह्मी प्रतिश्रुतिर् एषा ब्राह्मी प्रतिश्रुतिर् इति ॥
evam uktāṃ nakṣatradakṣiṇāṃ yo dadātīha jīvaloke | [[a]]pahatya tamaḥ sarvaṃ brahmaloke mahīyate | yathā yaṣṭus tathādhyetur eṣā brāhmī pratiśrutir eṣā brāhmī pratiśrutir iti ||
Sanskrit only: no published translation is held for this verse.