Library·Atharvavedaparisistas·1·1.9
करिष्यमाणः संग्रामं प्रतिराजेन क्षत्रियः । ब्राह्मणं पूर्वम् अन्विच्छेद् विद्वांसं शास्त्रवित्तमम् ॥
kariṣyamāṇaḥ saṃgrāmaṃ pratirājena kṣatriyaḥ | brāhmaṇaṃ pūrvam anvicched vidvāṃsaṃ śāstravittamam ||
Sanskrit only: no published translation is held for this verse.
उत्पातान् यस् तु यान् विद्याद् दिव्यान्तरिक्षपार्थिवान् । तं वै लिप्सितुम् अर्हति राजा राष्ट्रे जिजीविषुः ॥
utpātān yas tu yān vidyād divyāntarikṣapārthivān | taṃ vai lipsitum arhati rājā rāṣṭre jijīviṣuḥ ||
Sanskrit only: no published translation is held for this verse.
ग्रहाणां यः स्थितिं विद्यान् नक्षत्राणां च सांपदम् । अनभ्यक्तम् उपासीत नक्षत्रसमतां च यत् ॥
grahāṇāṃ yaḥ sthitiṃ vidyān nakṣatrāṇāṃ ca sāṃpadam | anabhyaktam upāsīta nakṣatrasamatāṃ ca yat ||
Sanskrit only: no published translation is held for this verse.
आयुधीयान् बिभ्रद् राजा कृत्तिकासु न रिष्यति । तद् धि तेजस्वि नक्षत्रं बहुलं दिवि रोचते ॥
āyudhīyān bibhrad rājā kṛttikāsu na riṣyati | tad dhi tejasvi nakṣatraṃ bahulaṃ divi rocate ||
Sanskrit only: no published translation is held for this verse.
अथो हि कृत्तिका इति नक्षत्रं भानुमत्तमम् । आग्नेयम् अग्निनक्षत्रं राजा ह्य् अस्मिन् प्रवर्धते ॥
atho hi kṛttikā iti nakṣatraṃ bhānumattamam | āgneyam agninakṣatraṃ rājā hy asmin pravardhate ||
Sanskrit only: no published translation is held for this verse.
रोहिण्या[ं] सार्धम् आसीत रज्जुपल्यानि कारयेत् । मृगशिरस्य् अश्वान् बिभृयात् सास्य सेना न रिष्यति ॥
rohiṇyā[ṃ] sārdham āsīta rajjupalyāni kārayet | mṛgaśirasy aśvān bibhṛyāt sāsya senā na riṣyati ||
Sanskrit only: no published translation is held for this verse.
सौम्यं सोमस्य नक्षत्रं राजा ह्य् अस्मिन् प्रवर्धते । आर्द्रायां मृगयां यायाद् अमित्रेभ्यश् च हावयेत् ॥
saumyaṃ somasya nakṣatraṃ rājā hy asmin pravardhate | ārdrāyāṃ mṛgayāṃ yāyād amitrebhyaś ca hāvayet ||
Sanskrit only: no published translation is held for this verse.
पुनर्वस्वाभियुञ्जीत पुष्येनैतां प्रयोजयेत् । इषीकां छेदयन् राजा अश्लेषासु न रिष्यति ॥
punarvasvābhiyuñjīta puṣyenaitāṃ prayojayet | iṣīkāṃ chedayan rājā aśleṣāsu na riṣyati ||
Sanskrit only: no published translation is held for this verse.
मघाभिः सार्धम् आसीत न यायाद् उच्छ्रयं चन । फल्गु द्वाराणि कारयेत् परिचारांश् च वाहयेत् ॥
maghābhiḥ sārdham āsīta na yāyād ucchrayaṃ cana | phalgu dvārāṇi kārayet paricārāṃś ca vāhayet ||
Sanskrit only: no published translation is held for this verse.
तोरणानि च संहन्युः फलकानि च तक्षयेत् । ॥॥। उत्तराभ्यां च हावयेत् ॥
toraṇāni ca saṃhanyuḥ phalakāni ca takṣayet | ..... uttarābhyāṃ ca hāvayet ||
Sanskrit only: no published translation is held for this verse.