Atharvavedaparisistas 11

ओम् अथातस् तुलापुरुषविधिं व्याख्यास्यामस्

om athātas tulāpuruṣavidhiṃ vyākhyāsyāmas

Sanskrit only: no published translation is held for this verse.

तद् उदगयन आपूर्यमाणपक्षे पुण्ये नक्षत्रे श्रद्धाप्रेरितौ ग्रहणकाले वा

tad udagayana āpūryamāṇapakṣe puṇye nakṣatre śraddhāpreritau grahaṇakāle vā

Sanskrit only: no published translation is held for this verse.

ऋत्विग्यजमानौ कॢप्तकेशश्मश्रू रोमनखानि वापयित्वा

ṛtvigyajamānau kḷptakeśaśmaśrū romanakhāni vāpayitvā

Sanskrit only: no published translation is held for this verse.

संभारान् उपकल्प्य प्राक्तन्त्रम् आज्यभागान्तं कृत्वा

saṃbhārān upakalpya prāktantram ājyabhāgāntaṃ kṛtvā

Sanskrit only: no published translation is held for this verse.

महाव्याहृतिसावित्रीशान्तिं ब्रह्म जज्ञानम् इति हुत्वा

mahāvyāhṛtisāvitrīśāntiṃ brahma jajñānam iti hutvā

Sanskrit only: no published translation is held for this verse.

अग्ने गोभिर् अग्ने ऽभ्यावर्तिन्न् अग्नेः प्रजातम् इति संपातान् उदपात्रानीयाभिषेककलशेषु निनयेद्

agne gobhir agne 'bhyāvartinn agneḥ prajātam iti saṃpātān udapātrānīyābhiṣekakalaśeṣu ninayed

Sanskrit only: no published translation is held for this verse.

अथास्येन्द्रो ग्रावभ्याम् इत्य् अभिषेचयेद्

athāsyendro grāvabhyām ity abhiṣecayed

Sanskrit only: no published translation is held for this verse.

इदम् आपो यथेन्द्रो बाहुभ्याम् इत्य् अभिषेचयित्वा

idam āpo yathendro bāhubhyām ity abhiṣecayitvā

Sanskrit only: no published translation is held for this verse.

यथोक्तम् अञ्जनाभ्यञ्जनानुलेपनं कारयित्वा वासो गन्धस्रजश् चाबध्नीयात्

yathoktam añjanābhyañjanānulepanaṃ kārayitvā vāso gandhasrajaś cābadhnīyāt

Sanskrit only: no published translation is held for this verse.

तुलां हिरण्यं च पवित्रैर् अभ्युक्ष्य पुरुषसंमितो ऽर्थ इति सप्तभिस् तदारोहयेद्

tulāṃ hiraṇyaṃ ca pavitrair abhyukṣya puruṣasaṃmito 'rtha iti saptabhis tadārohayed

Sanskrit only: no published translation is held for this verse.

अच्युता द्यौर् इति चतसृभिर् अवरोहयेत्

acyutā dyaur iti catasṛbhir avarohayet

Sanskrit only: no published translation is held for this verse.

सूर्यस्यावृतम् इति प्रदक्षिणम् आवृत्य ब्राह्मणेभ्यो निवेदयित्वात्मालंकारान् कर्त्रे दद्यात्

sūryasyāvṛtam iti pradakṣiṇam āvṛtya brāhmaṇebhyo nivedayitvātmālaṃkārān kartre dadyāt

Sanskrit only: no published translation is held for this verse.

सहस्रदक्षिणं ग्रामवरम्

sahasradakṣiṇaṃ grāmavaram

Sanskrit only: no published translation is held for this verse.

द्विजान् अन्नेन तर्पयेत्

dvijān annena tarpayet

Sanskrit only: no published translation is held for this verse.

अथ चेन् निःस्वपक्षेण यथा संपद्यते धनम् । धातुभिः सह तौल्यम् अतु वासोभिश् च रसैस् तथा । व्रीह्यादिसप्तधान्यैर् वा यथासंपद्यते गृहे ॥

atha cen niḥsvapakṣeṇa yathā saṃpadyate dhanam | dhātubhiḥ saha taulyam atu vāsobhiś ca rasais tathā | vrīhyādisaptadhānyair vā yathāsaṃpadyate gṛhe ||

Sanskrit only: no published translation is held for this verse.

सखड्गः सशिरस्त्राणः सर्वाभरणभूषितः । तपनीयम् अगरे कृत्वा पश्चात् तोल्यो नराधिपः ॥

sakhaḍgaḥ saśirastrāṇaḥ sarvābharaṇabhūṣitaḥ | tapanīyam agare kṛtvā paścāt tolyo narādhipaḥ ||

Sanskrit only: no published translation is held for this verse.

इन्द्रेणेदं पुरा दत्तम् अधिराज्याप्तये वरम् । सर्वपापप्रणाशाय सर्वपुण्यविवृद्धये ॥

indreṇedaṃ purā dattam adhirājyāptaye varam | sarvapāpapraṇāśāya sarvapuṇyavivṛddhaye ||

Sanskrit only: no published translation is held for this verse.

महादानातिदानानाम् इदं दानम् अनुत्तमम् । अक्षय्यफलदं श्रेष्ठं दातॄणां श्रेयवर्धनम् ॥

mahādānātidānānām idaṃ dānam anuttamam | akṣayyaphaladaṃ śreṣṭhaṃ dātṝṇāṃ śreyavardhanam ||

Sanskrit only: no published translation is held for this verse.

यत् पापं स्वे कुले जातैस् त्रिः सप्त पुरुषैः कृतम् । तत् सर्वं नश्यते क्षिप्रम् अग्नौ तूलं यथा तथा ॥

yat pāpaṃ sve kule jātais triḥ sapta puruṣaiḥ kṛtam | tat sarvaṃ naśyate kṣipram agnau tūlaṃ yathā tathā ||

Sanskrit only: no published translation is held for this verse.

अनामयं स्थानम् अवाप्य दैवैर् अलङ्घनीयं सुकृतैर् हिरण्मयैः । सुवर्णतेजाः प्रविमुक्तपापो दिवीन्द्रवद् राजति सूर्यलोके ॥ दिवीन्द्रवद् राजति सूर्यलेकेति ॥ इति तुलापुरुषविधिः समाप्तः ॥

anāmayaṃ sthānam avāpya daivair alaṅghanīyaṃ sukṛtair hiraṇmayaiḥ | suvarṇatejāḥ pravimuktapāpo divīndravad rājati sūryaloke || divīndravad rājati sūryaleketi || iti tulāpuruṣavidhiḥ samāptaḥ ||

Sanskrit only: no published translation is held for this verse.