Atharvavedaparisistas 13.1

ओम् अथ हिरण्यगर्भविधिम् अनुक्रमिष्यामः सर्वपापापनोदनम्

om atha hiraṇyagarbhavidhim anukramiṣyāmaḥ sarvapāpāpanodanam

Sanskrit only: no published translation is held for this verse.

उदगयन आपूर्यमाणपक्षे पुण्ये नक्षत्रे श्रद्धाप्रेरितौ ग्रहणकाले वा

udagayana āpūryamāṇapakṣe puṇye nakṣatre śraddhāpreritau grahaṇakāle vā

Sanskrit only: no published translation is held for this verse.

ऋत्विग्यजमानौ क्ल्प्तकेशश्मश्रुरोमनखौ स्याताम्

ṛtvigyajamānau kLptakeśaśmaśruromanakhau syātām

Sanskrit only: no published translation is held for this verse.

अथ ऋत्विक् प्रग् अस्तंगमनाद् अश्वत्थाद् अरणी आधायाग्ने जायस्वेति द्वाभ्यां मथ्यमानम् अनुमन्त्रयते

atha ṛtvik prag astaṃgamanād aśvatthād araṇī ādhāyāgne jāyasveti dvābhyāṃ mathyamānam anumantrayate

Sanskrit only: no published translation is held for this verse.

तृतीयया जातं चतुर्थ्योपसमादधाति

tṛtīyayā jātaṃ caturthyopasamādadhāti

Sanskrit only: no published translation is held for this verse.

शुचौ देशे परिधाप्य यथोक्तम् अञ्जनाभ्यञ्जनानुलेपनं कारयित्वा

śucau deśe paridhāpya yathoktam añjanābhyañjanānulepanaṃ kārayitvā

Sanskrit only: no published translation is held for this verse.

अग्नेः प्रजातं परि यद् धिरण्यं यद् आबध्नन्न् इति हिरण्यस्रजम् आग्रथ्य रक्षन्तु त्वेति रक्षां कृत्वा

agneḥ prajātaṃ pari yad dhiraṇyaṃ yad ābadhnann iti hiraṇyasrajam āgrathya rakṣantu tveti rakṣāṃ kṛtvā

Sanskrit only: no published translation is held for this verse.

दर्भान् आस्तीर्याधह्शायिनौ स्याताम्

darbhān āstīryādhahśāyinau syātām

Sanskrit only: no published translation is held for this verse.

श्वो भूते ऽभिजिन्मुहूर्ते हिरण्मयं मण्डलाकृति नाभिमात्रं पात्रम् आधाय सापिधानम्

śvo bhūte 'bhijinmuhūrte hiraṇmayaṃ maṇḍalākṛti nābhimātraṃ pātram ādhāya sāpidhānam

Sanskrit only: no published translation is held for this verse.

स्रुक्स्रुवाज्यस्थाल्युदपात्रालंकारांश् च

sruksruvājyasthālyudapātrālaṃkārāṃś ca

Sanskrit only: no published translation is held for this verse.

परिसमुह्य पर्युक्ष्य परिस्तीर्य बर्हिर् उदपात्रम् उपसाद्य परिचरणेनाज्यं परिचर्य नित्यान् पुरस्ताद्धोमान् हुत्वाज्यभागौ चाथ जुहोति

parisamuhya paryukṣya paristīrya barhir udapātram upasādya paricaraṇenājyaṃ paricarya nityān purastāddhomān hutvājyabhāgau cātha juhoti

Sanskrit only: no published translation is held for this verse.