Atharvavedaparisistas 13.5

वेदानां पारगा यस्य चतुर्णां ब्रह्मवित्तमाः । तुष्टा यस्याशिषो ब्रूयुस् तस्य यज्ञफलं भवेत् ॥

vedānāṃ pāragā yasya caturṇāṃ brahmavittamāḥ | tuṣṭā yasyāśiṣo brūyus tasya yajñaphalaṃ bhavet ||

Sanskrit only: no published translation is held for this verse.

ब्राह्मणानां प्रसादेन सूर्यो दिवि विराजति । इन्द्रो ऽप्य् एषां प्रसादेन देवान् अतिविराजति ॥

brāhmaṇānāṃ prasādena sūryo divi virājati | indro 'py eṣāṃ prasādena devān ativirājati ||

Sanskrit only: no published translation is held for this verse.

हिरण्यदानस्य फलम् अमृतत्वम् इति श्रुतिः । श्रूयते ह्य् अस्य दाता यः सो ऽमृतत्वं समश्नुते ॥

hiraṇyadānasya phalam amṛtatvam iti śrutiḥ | śrūyate hy asya dātā yaḥ so 'mṛtatvaṃ samaśnute ||

Sanskrit only: no published translation is held for this verse.

राजेक्षुवाकुप्रभ्र्तयः पुरा राजर्षयो ऽमलाः । दत्त्वा हिरण्यं विप्रेभ्यो ज्योतिर् भूत्वा दिवि स्थिताः ॥

rājekṣuvākuprabhrtayaḥ purā rājarṣayo 'malāḥ | dattvā hiraṇyaṃ viprebhyo jyotir bhūtvā divi sthitāḥ ||

Sanskrit only: no published translation is held for this verse.

य एवं संस्कृतो राजा विधिना ब्रह्मवादिना । प्रजानाम् इह साम्राज्यं ज्यैष्ठ्यं श्रैष्ठ्यं च गच्छति ॥

ya evaṃ saṃskṛto rājā vidhinā brahmavādinā | prajānām iha sāmrājyaṃ jyaiṣṭhyaṃ śraiṣṭhyaṃ ca gacchati ||

Sanskrit only: no published translation is held for this verse.

अमुष्मिन् ब्रह्मणा सार्धम् आनन्दम् अनुभूय वै । ज्योतिर्मयं सत्यलोकं नचैवावर्तते पुनः ॥

amuṣmin brahmaṇā sārdham ānandam anubhūya vai | jyotirmayaṃ satyalokaṃ nacaivāvartate punaḥ ||

Sanskrit only: no published translation is held for this verse.