ओम् अथ हस्तिरथदानानाम् अनुक्रमं वक्ष्ये
om atha hastirathadānānām anukramaṃ vakṣye
Sanskrit only: no published translation is held for this verse.
Library·Atharvavedaparisistas·14
Atharvavedaparisistas 14
जातरूपमयं क्र्त्वा एकचक्रं सुशोभनम् । हस्तिभिः सप्तभिर् युक्तम् अर्चयित्वा यथाविधि ॥
jātarūpamayaṃ krtvā ekacakraṃ suśobhanam | hastibhiḥ saptabhir yuktam arcayitvā yathāvidhi ||
Sanskrit only: no published translation is held for this verse.
अथ वा चतुर्भिर् युक्तं हैमं राजतम् एव वा । अस्पृष्टं दारुजं वापि सर्वसंभारपूरितम् ॥
atha vā caturbhir yuktaṃ haimaṃ rājatam eva vā | aspṛṣṭaṃ dārujaṃ vāpi sarvasaṃbhārapūritam ||
Sanskrit only: no published translation is held for this verse.
हस्तियुग्मेन संयुक्तं सौरभेययुतेन वा । भुङ्क्ते सप्तैव जन्मानि सप्तद्वीपां वसुंधराम् ॥
hastiyugmena saṃyuktaṃ saurabheyayutena vā | bhuṅkte saptaiva janmāni saptadvīpāṃ vasuṃdharām ||
Sanskrit only: no published translation is held for this verse.
हस्तेन युक्ते चन्द्रमसि पौर्णमास्याम् अमावास्यायां वा पुण्ये वा ऋक्षे शुचिः शुचौ देशे तन्त्रम् इत्य् उक्तम् ॥
hastena yukte candramasi paurṇamāsyām amāvāsyāyāṃ vā puṇye vā ṛkṣe śuciḥ śucau deśe tantram ity uktam ||
Sanskrit only: no published translation is held for this verse.
प्राञ्चम् इध्मम् उपसमाधायान्वारभ्याथ जुहुयात् ॥
prāñcam idhmam upasamādhāyānvārabhyātha juhuyāt ||
Sanskrit only: no published translation is held for this verse.
सवित्रे स्वाहा ॥ पतंगाय स्वाहा ॥ पावकाय स्वाहा ॥ सहस्ररश्मये स्वाहा ॥ मार्तण्डाय स्वाहा ॥ विष्णवे स्वाहा ॥ प्रजापतये स्वाहा ॥ परमेष्ठिने स्वाहा इति हुत्वा।
savitre svāhā || pataṃgāya svāhā || pāvakāya svāhā || sahasraraśmaye svāhā || mārtaṇḍāya svāhā || viṣṇave svāhā || prajāpataye svāhā || parameṣṭhine svāhā iti hutvā.
Sanskrit only: no published translation is held for this verse.
कनकाश् च तिला गावो दासी गृहमहीरथाः । कन्या हस्ती च विद्या च महादानि वै दश ॥
kanakāś ca tilā gāvo dāsī gṛhamahīrathāḥ | kanyā hastī ca vidyā ca mahādāni vai daśa ||
Sanskrit only: no published translation is held for this verse.
तस्मात् सर्वेषु दानेषु अनुक्तविधिकेषु च । अग्निं ब्रूम इति सूक्तम् आज्यतन्त्रेण होमयेत् ॥
tasmāt sarveṣu dāneṣu anuktavidhikeṣu ca | agniṃ brūma iti sūktam ājyatantreṇa homayet ||
Sanskrit only: no published translation is held for this verse.
अश्वदाता व्रजेत् स्वर्गम् अश्वारूढश् च मानवः । पूज्यते देवगन्धर्वैर् अप्सरोकिंनरैस् तथा ॥
aśvadātā vrajet svargam aśvārūḍhaś ca mānavaḥ | pūjyate devagandharvair apsarokiṃnarais tathā ||
Sanskrit only: no published translation is held for this verse.
हस्तिवर्चसं प्रथताम् इति कलशे संपातान् आनीय युगं योक्त्रं रथम् इति सर्वं संप्रोक्ष्य ॥
hastivarcasaṃ prathatām iti kalaśe saṃpātān ānīya yugaṃ yoktraṃ ratham iti sarvaṃ saṃprokṣya ||
Sanskrit only: no published translation is held for this verse.
अश्रान्तस्य त्वा मनसा युनज्मीति योजयेत् ॥
aśrāntasya tvā manasā yunajmīti yojayet ||
Sanskrit only: no published translation is held for this verse.
अश्रान्तस्य त्वा मनसा युनज्मि प्रथमस्य च । उत्कूलम् उद्वहो भवो उदुह्य प्रति धावतात् ॥
aśrāntasya tvā manasā yunajmi prathamasya ca | utkūlam udvaho bhavo uduhya prati dhāvatāt ||
Sanskrit only: no published translation is held for this verse.
युक्तायार्थं दद्यात् ॥
yuktāyārthaṃ dadyāt ||
Sanskrit only: no published translation is held for this verse.
श्यावैर् युक्तः शितिपद्भिर् हिरण्ययो यस्य रथः पथिभिर् वर्तते सुखैः । स नो हस्तेन सविता हिरण्यभुग् घिरण्यपाणिः सविता नो ऽभिरक्षतु ॥
śyāvair yuktaḥ śitipadbhir hiraṇyayo yasya rathaḥ pathibhir vartate sukhaiḥ | sa no hastena savitā hiraṇyabhug ghiraṇyapāṇiḥ savitā no 'bhirakṣatu ||
Sanskrit only: no published translation is held for this verse.
बृहद्धस्तिरथं युक्तं हस्तेन तु ददन् नरः । सवितुः स्थानम् आप्नोति दिव्यां कामजवां सभाम् ॥
bṛhaddhastirathaṃ yuktaṃ hastena tu dadan naraḥ | savituḥ sthānam āpnoti divyāṃ kāmajavāṃ sabhām ||
Sanskrit only: no published translation is held for this verse.