Atharvavedaparisistas 19.3

अथ पशूनाम् उपाचारम् ॥

atha paśūnām upācāram ||

Sanskrit only: no published translation is held for this verse.

इन्द्रदेवताः स्युर् ये राज्ञो भृत्याः स्युः सर्वे दीक्षिता ब्रह्मचारिणः स्युर्

indradevatāḥ syur ye rājño bhṛtyāḥ syuḥ sarve dīkṣitā brahmacāriṇaḥ syur

Sanskrit only: no published translation is held for this verse.

इन्द्रं चोपसद्य यजेरन् ॥ त्रिरात्रं सप्तरात्रं वा

indraṃ copasadya yajeran || trirātraṃ saptarātraṃ vā

Sanskrit only: no published translation is held for this verse.

त्रिर् अयनम् अह्नाम् उपतिष्ठन्ते हविसा च यजन्ते ॥

trir ayanam ahnām upatiṣṭhante havisā ca yajante ||

Sanskrit only: no published translation is held for this verse.

आवृत इन्द्रम् अहम् इति इन्द्र क्षत्रम् इति हविषो हुत्वा

āvṛta indram aham iti indra kṣatram iti haviṣo hutvā

Sanskrit only: no published translation is held for this verse.

ब्राह्मणान् स्वस्तिवाच्य इन्द्रम् अवभृथाय व्रजन्ति

brāhmaṇān svastivācya indram avabhṛthāya vrajanti

Sanskrit only: no published translation is held for this verse.

अपां सूक्तैर् आप्लुत्य प्रदक्षिणम् आवृत्य अप उपस्पृश्य अनपेक्षमाणाः प्रत्येत्य ब्राह्मणान् भक्त्या यद् ईप्सितं वरप्रदानैः परितोषयेत् ॥

apāṃ sūktair āplutya pradakṣiṇam āvṛtya apa upaspṛśya anapekṣamāṇāḥ pratyetya brāhmaṇān bhaktyā yad īpsitaṃ varapradānaiḥ paritoṣayet ||

Sanskrit only: no published translation is held for this verse.

अथ हैषमितिकम् इति ॥

atha haiṣamitikam iti ||

Sanskrit only: no published translation is held for this verse.

श्वःश्वो ऽस्य राष्ट्रं ज्यायो भवति एको ऽस्यां पृथिव्यां राजा भवति न पुरा जरसः प्रमीयते य एवं वेद यश् चैवंविद्वान् इन्द्रमहेण चरति इति ब्राह्मणम् ॥

śvaḥśvo 'sya rāṣṭraṃ jyāyo bhavati eko 'syāṃ pṛthivyāṃ rājā bhavati na purā jarasaḥ pramīyate ya evaṃ veda yaś caivaṃvidvān indramaheṇa carati iti brāhmaṇam ||

Sanskrit only: no published translation is held for this verse.