Atharvavedaparisistas 2.1

ओम् । ब्रह्मणे ब्रह्मवेदाय रुद्राय परमेष्ठिने । नमस्कृत्य प्रवक्ष्यामि शेषम् आथर्वणं विधिम् ॥

om | brahmaṇe brahmavedāya rudrāya parameṣṭhine | namaskṛtya pravakṣyāmi śeṣam ātharvaṇaṃ vidhim ||

Sanskrit only: no published translation is held for this verse.

दैवं प्रभवते श्रेष्ठं हेतुमात्रं तु पौरुषम् । दैवेन तु सुगुप्तेन शक्तो जेतुं वसुंधराम् ॥

daivaṃ prabhavate śreṣṭhaṃ hetumātraṃ tu pauruṣam | daivena tu suguptena śakto jetuṃ vasuṃdharām ||

Sanskrit only: no published translation is held for this verse.

दैवात् पुरुषकाराच् च दैवम् एव विशिष्यते । तस्माद् दैवं विशेषेण पूजयेत् तु महीपतिः ॥

daivāt puruṣakārāc ca daivam eva viśiṣyate | tasmād daivaṃ viśeṣeṇa pūjayet tu mahīpatiḥ ||

Sanskrit only: no published translation is held for this verse.

दैवकर्मविदौ तस्मात् सांवत्सरपुरोहितौ । गृह्णीयात् सततं राजा दानसंमानरञ्जनैः ॥

daivakarmavidau tasmāt sāṃvatsarapurohitau | gṛhṇīyāt satataṃ rājā dānasaṃmānarañjanaiḥ ||

Sanskrit only: no published translation is held for this verse.

अपिता तु यथा बालस् तथासांवत्सरो नृपः । अमातृको यथा बालस् तथाथर्वविवर्जितः ॥ अरिमध्ये यथैकाकी तथा वैद्यविवर्जितः ॥

apitā tu yathā bālas tathāsāṃvatsaro nṛpaḥ | amātṛko yathā bālas tathātharvavivarjitaḥ || arimadhye yathaikākī tathā vaidyavivarjitaḥ ||

Sanskrit only: no published translation is held for this verse.

धर्मेण पृथिवीं कृत्स्नां विजयिष्यन् महीपतिः । विद्यालक्षणसंपन्नं भार्गवं वरयेद् गुरुम् ॥

dharmeṇa pṛthivīṃ kṛtsnāṃ vijayiṣyan mahīpatiḥ | vidyālakṣaṇasaṃpannaṃ bhārgavaṃ varayed gurum ||

Sanskrit only: no published translation is held for this verse.

चतुर्विधस्य कर्मणो वेदतत्त्वेन निश्चयम् । प्रजापतिर् अथैको हि न वेदत्रयम् ईक्षते ॥

caturvidhasya karmaṇo vedatattvena niścayam | prajāpatir athaiko hi na vedatrayam īkṣate ||

Sanskrit only: no published translation is held for this verse.