Atharvavedaparisistas 2.2

अथर्वभिन्नं यच् छान्तं तच् छान्तं नेतरैस् त्रिभिः । विज्ञानं त्रिषु लोकेषु जायते ब्रह्मवेदतः ॥

atharvabhinnaṃ yac chāntaṃ tac chāntaṃ netarais tribhiḥ | vijñānaṃ triṣu lokeṣu jāyate brahmavedataḥ ||

Sanskrit only: no published translation is held for this verse.

अथर्वा सृजते घोरम् अद्भुतं शमयेत् तथा । अथर्वा रक्षते यज्ञं यज्ञस्य पतिर् अङ्गिराः ॥

atharvā sṛjate ghoram adbhutaṃ śamayet tathā | atharvā rakṣate yajñaṃ yajñasya patir aṅgirāḥ ||

Sanskrit only: no published translation is held for this verse.

दिव्यान्तरिक्षभौमानाम् उत्पातानाम् अनेकधा । शमयिता ब्रह्मवेदज्ञस् तस्माद् रक्षिता भृगुः ॥

divyāntarikṣabhaumānām utpātānām anekadhā | śamayitā brahmavedajñas tasmād rakṣitā bhṛguḥ ||

Sanskrit only: no published translation is held for this verse.

ब्रह्मा शमयेन् नाध्वर्युर् न छन्दोगो न बह्वृचः । रक्षांसि रक्षति ब्रह्मा ब्रह्मा तस्माद् अथर्ववित् ॥

brahmā śamayen nādhvaryur na chandogo na bahvṛcaḥ | rakṣāṃsi rakṣati brahmā brahmā tasmād atharvavit ||

Sanskrit only: no published translation is held for this verse.

सेनाया रक्षणे तस्मात् स्वराष्ट्रपरिवृद्धये । शान्त्यर्थं च महीपालो वृणुयाद् भार्गवं गुरुम् ॥

senāyā rakṣaṇe tasmāt svarāṣṭraparivṛddhaye | śāntyarthaṃ ca mahīpālo vṛṇuyād bhārgavaṃ gurum ||

Sanskrit only: no published translation is held for this verse.