तथा शौनकिनं वापि वेदमन्त्रविपश्चितम् । राष्ट्रस्य वृद्धिकर्तारं धनधान्यादिभिः सदा ॥
tathā śaunakinaṃ vāpi vedamantravipaścitam | rāṣṭrasya vṛddhikartāraṃ dhanadhānyādibhiḥ sadā ||
Sanskrit only: no published translation is held for this verse.
Library·Atharvavedaparisistas·2·2.4
Atharvavedaparisistas 2.4
आथर्वणाद् ऋते नान्यो नियोज्यो ऽथर्वविद् गुरुः । नृपेण जयकामेन निर्मितो ऽग्निर् इवाध्वरे ॥
ātharvaṇād ṛte nānyo niyojyo 'tharvavid guruḥ | nṛpeṇa jayakāmena nirmito 'gnir ivādhvare ||
Sanskrit only: no published translation is held for this verse.
बह्वृचो हन्ति वै राष्ट्रम् अध्वर्युर् नाशयेत् सुतान् । छन्दोगो धननाशाय तस्माद् आथर्वणो गुरुः ॥
bahvṛco hanti vai rāṣṭram adhvaryur nāśayet sutān | chandogo dhananāśāya tasmād ātharvaṇo guruḥ ||
Sanskrit only: no published translation is held for this verse.
अज्ञानाद् वा प्रमादाद् वा यस्य स्याद् बह्वृचो गुरुः । देशराष्ट्रपुरामात्यनाशस् तस्य न संशयः ॥
ajñānād vā pramādād vā yasya syād bahvṛco guruḥ | deśarāṣṭrapurāmātyanāśas tasya na saṃśayaḥ ||
Sanskrit only: no published translation is held for this verse.
यदि वाध्वर्यवं राजा नियुनक्ति पुरोहितम् । शस्त्रेण वध्यते क्षिप्रं परिक्षीणार्थवाहनः ॥
yadi vādhvaryavaṃ rājā niyunakti purohitam | śastreṇa vadhyate kṣipraṃ parikṣīṇārthavāhanaḥ ||
Sanskrit only: no published translation is held for this verse.