यथैव पङ्गुर् अध्वानम् अपक्षी चाण्डजो नभः । एवं छन्दोगगुरुणा राजा वृद्धिं न गच्छति ॥
yathaiva paṅgur adhvānam apakṣī cāṇḍajo nabhaḥ | evaṃ chandogaguruṇā rājā vṛddhiṃ na gacchati ||
Sanskrit only: no published translation is held for this verse.
Library·Atharvavedaparisistas·2·2.5
Atharvavedaparisistas 2.5
पुरोधा जलदो यस्य मौदो वा स्यात् कदा चन । अब्दाद् दशभ्यो मासेभ्यो राष्ट्रभ्रंशं स गच्छति ॥
purodhā jalado yasya maudo vā syāt kadā cana | abdād daśabhyo māsebhyo rāṣṭrabhraṃśaṃ sa gacchati ||
Sanskrit only: no published translation is held for this verse.
पलालकम् इदं सर्वम् ऋग्यजुःसामसंस्थितम् । सारं सारपरं धान्यम् अथर्वाङ्गिरसो विदुः ॥
palālakam idaṃ sarvam ṛgyajuḥsāmasaṃsthitam | sāraṃ sāraparaṃ dhānyam atharvāṅgiraso viduḥ ||
Sanskrit only: no published translation is held for this verse.
त्रयो लोकास् त्रयो देवास् त्रयो वेदास् त्रयो ऽग्नयः । अर्धमात्रे लयं यान्ति वेदश् चाथर्वणः स्मृतः ॥
trayo lokās trayo devās trayo vedās trayo 'gnayaḥ | ardhamātre layaṃ yānti vedaś cātharvaṇaḥ smṛtaḥ ||
Sanskrit only: no published translation is held for this verse.
न तिथिर् न च नक्षत्रं न ग्रहो न च चन्द्रमाः । अथर्वमन्त्रसंप्राप्त्या सर्वसिद्धिर् भविष्यति ॥
na tithir na ca nakṣatraṃ na graho na ca candramāḥ | atharvamantrasaṃprāptyā sarvasiddhir bhaviṣyati ||
Sanskrit only: no published translation is held for this verse.