अथातो धूर्तकल्पं व्याख्यास्यामः ॥
athāto dhūrtakalpaṃ vyākhyāsyāmaḥ ||
Sanskrit only: no published translation is held for this verse.
Library·Atharvavedaparisistas·20
Atharvavedaparisistas 20
चतुर्षुचतुर्षु मासेषु फाल्गुणाषाढकार्त्तिकपूर्वपक्षेषु नित्यं कुर्वीत ॥
caturṣucaturṣu māseṣu phālguṇāṣāḍhakārttikapūrvapakṣeṣu nityaṃ kurvīta ||
Sanskrit only: no published translation is held for this verse.
श्वो भूते षष्ठ्याम् उपवासं कृत्वा प्रागुदीचीं दिशं निष्क्रम्य शुचौ देशे मनोहरे नोषरे मण्डलं त्रयोदशरत्निं कृत्वा मध्ये मण्डपस्य सर्ववानस्पत्यां मालां कृत्वा घण्टापताकास्रजः प्रतिसरं च मालापृष्ठे कृत्वा मध्ये दर्पणांश् चोपकल्पयित्वा तत्र यं वहन्ति हयाः श्वेता इत्य् आवाहयेत् ॥
śvo bhūte ṣaṣṭhyām upavāsaṃ kṛtvā prāgudīcīṃ diśaṃ niṣkramya śucau deśe manohare noṣare maṇḍalaṃ trayodaśaratniṃ kṛtvā madhye maṇḍapasya sarvavānaspatyāṃ mālāṃ kṛtvā ghaṇṭāpatākāsrajaḥ pratisaraṃ ca mālāpṛṣṭhe kṛtvā madhye darpaṇāṃś copakalpayitvā tatra yaṃ vahanti hayāḥ śvetā ity āvāhayet ||
Sanskrit only: no published translation is held for this verse.
यं वहन्ति हयाः श्वेता नित्ययुक्ता मनोजवाः । तम् अहं श्वेतसंनाहं धूर्तम् आवाहयाम्य् अहम् ॥
yaṃ vahanti hayāḥ śvetā nityayuktā manojavāḥ | tam ahaṃ śvetasaṃnāhaṃ dhūrtam āvāhayāmy aham ||
Sanskrit only: no published translation is held for this verse.
यं वहन्ति गजाः सिंहा व्याघ्राश् चापि विषाणिनः । तम् अहं सिंहसंनाहं धूर्तम् आवाहयाम्य् अहम् ॥
yaṃ vahanti gajāḥ siṃhā vyāghrāś cāpi viṣāṇinaḥ | tam ahaṃ siṃhasaṃnāhaṃ dhūrtam āvāhayāmy aham ||
Sanskrit only: no published translation is held for this verse.
यं वहन्ति मयूराश् च चित्रपक्षा विहंगमाः । तम् अहं चित्रसंनाहं धूर्तम् आवाहयाम्य् अहम् ॥
yaṃ vahanti mayūrāś ca citrapakṣā vihaṃgamāḥ | tam ahaṃ citrasaṃnāhaṃ dhūrtam āvāhayāmy aham ||
Sanskrit only: no published translation is held for this verse.
यं वहन्ति सर्ववार्णाः सदायुक्ता मनोजवाः । तम् अहं सर्वसंनाहं धूर्तम् आवाहयाम्य् अहम् ॥
yaṃ vahanti sarvavārṇāḥ sadāyuktā manojavāḥ | tam ahaṃ sarvasaṃnāhaṃ dhūrtam āvāhayāmy aham ||
Sanskrit only: no published translation is held for this verse.
यस्यामोघा सदा शक्तिर् नित्यं घण्तापताकिनी । तम् अहं शक्तिसंनाहं धूर्तम् आवाहयाम्य् अहम् ॥
yasyāmoghā sadā śaktir nityaṃ ghaṇtāpatākinī | tam ahaṃ śaktisaṃnāhaṃ dhūrtam āvāhayāmy aham ||
Sanskrit only: no published translation is held for this verse.
यश् च मातृगणैर् नित्यं सदा परिवृतो युवा । तम् अहं मातृभिः सार्धं धूर्तम् आवाहयाम्य् अहम् ॥
yaś ca mātṛgaṇair nityaṃ sadā parivṛto yuvā | tam ahaṃ mātṛbhiḥ sārdhaṃ dhūrtam āvāhayāmy aham ||
Sanskrit only: no published translation is held for this verse.
यश् च कन्यासहस्रेण सदा परिवृतो महान् । तम् अहं सिंहसंनाहं धूर्तम् आवाहयाम्य् अहम् ॥
yaś ca kanyāsahasreṇa sadā parivṛto mahān | tam ahaṃ siṃhasaṃnāhaṃ dhūrtam āvāhayāmy aham ||
Sanskrit only: no published translation is held for this verse.
आयातु देवः सगणः ससैन्यः सवाहनः सानुचरः प्रतीतः । षडाननो ऽष्टादशलोचनश् च सुवर्णवर्णो लघुपूर्णभासः ॥
āyātu devaḥ sagaṇaḥ sasainyaḥ savāhanaḥ sānucaraḥ pratītaḥ | ṣaḍānano 'ṣṭādaśalocanaś ca suvarṇavarṇo laghupūrṇabhāsaḥ ||
Sanskrit only: no published translation is held for this verse.
आयातु देवो मम कार्त्तिकेयो ब्रह्मण्यपित्रैः सह मातृभिश् च । भ्रात्रा विशाखेन च विश्वरूप इमं बलिं सानुचर जुषस्व ॥
āyātu devo mama kārttikeyo brahmaṇyapitraiḥ saha mātṛbhiś ca | bhrātrā viśākhena ca viśvarūpa imaṃ baliṃ sānucara juṣasva ||
Sanskrit only: no published translation is held for this verse.
संविशस्वेति संवेशयेत् ॥
saṃviśasveti saṃveśayet ||
Sanskrit only: no published translation is held for this verse.
संविशस्व वरघण्टाप्सरःस्तवे यत्र सुभुजो हि निर्मिताः । संविष्टो मे धेहि दीर्घम् आयुः प्रजां पशूंश् चैव विनायकसेन ॥
saṃviśasva varaghaṇṭāpsaraḥstave yatra subhujo hi nirmitāḥ | saṃviṣṭo me dhehi dīrgham āyuḥ prajāṃ paśūṃś caiva vināyakasena ||
Sanskrit only: no published translation is held for this verse.
इमा आप इति गन्धोदकं पाद्यं दद्यात् ॥ प्रतिगृह्णातु भगवान् देवो धूर्त इति ॥ षत् चैव हिरण्यवर्णा इतीमे दिव्यो गन्धर्व इति गन्धान् यस् ते गन्ध इति चेमाः सुमनस इति सुमनसः ॥ प्रियं धातुर् इति॥। ॥
imā āpa iti gandhodakaṃ pādyaṃ dadyāt || pratigṛhṇātu bhagavān devo dhūrta iti || ṣat caiva hiraṇyavarṇā itīme divyo gandharva iti gandhān yas te gandha iti cemāḥ sumanasa iti sumanasaḥ || priyaṃ dhātur iti... ||
Sanskrit only: no published translation is held for this verse.
वनस्पतिर् असो मेध्य इति धूपम् ॥ यक्ष्येण ते दिवा अग्निः शुक्रश् चेति दीपम् ॥ यो विश्वतः सुप्रतीक इति पर्णानि ॥
vanaspatir aso medhya iti dhūpam || yakṣyeṇa te divā agniḥ śukraś ceti dīpam || yo viśvataḥ supratīka iti parṇāni ||
Sanskrit only: no published translation is held for this verse.
प्रक्षाल्य हविष्य् उपसादयेद् दध्योदनं क्षीरोदनं गुडोदनं मुद्गपयसमिश्रधान्यमोदकानि सर्वगन्धान् सर्वर्सान् उदकपूर्णं मूलपुर्णं पुष्पपूर्णं फलपूर्णं रसपूर्णं चोपकल्पयित्वा
prakṣālya haviṣy upasādayed dadhyodanaṃ kṣīrodanaṃ guḍodanaṃ mudgapayasamiśradhānyamodakāni sarvagandhān sarvarsān udakapūrṇaṃ mūlapurṇaṃ puṣpapūrṇaṃ phalapūrṇaṃ rasapūrṇaṃ copakalpayitvā
Sanskrit only: no published translation is held for this verse.
इन्द्रः सीतम् इत्य् उल्लिख्य अग्ने प्रेत्य् अग्निं प्रणीय प्रज्वल्य प्राञ्चम् इध्मम् उपसमाधाय भग एतम् इध्मम् इति तिसृभिर् एतम् इध्मं सुगार्हस्पत्य इत्य् उपसमाधाय समिद्धो अग्निर् इति समिद्धम् अनुमन्त्रयते ॥
indraḥ sītam ity ullikhya agne prety agniṃ praṇīya prajvalya prāñcam idhmam upasamādhāya bhaga etam idhmam iti tisṛbhir etam idhmaṃ sugārhaspatya ity upasamādhāya samiddho agnir iti samiddham anumantrayate ||
Sanskrit only: no published translation is held for this verse.
भद्रम् इच्छन्तो हिरण्यगर्भो ममाग्ने वर्चस् त्वया मन्यो यस् ते मन्यो यद् देवा देवहेडनम् इति षत् कामसूक्तादयो दश महीपतये स्वाहा ॥
bhadram icchanto hiraṇyagarbho mamāgne varcas tvayā manyo yas te manyo yad devā devaheḍanam iti ṣat kāmasūktādayo daśa mahīpataye svāhā ||
Sanskrit only: no published translation is held for this verse.
धूर्ताय स्कन्दाय विशाखाय पिनाकसेनाय भ्रातृस्त्रीकामाय स्वच्छन्दाय वरघण्ताय निर्मिलाय लोहितगात्राय शलकटङ्कटाय स्वाहेति हुत्वा अग्नये प्रजापतये ये देवा दिव्य् एकादश स्थेति अनुमतये अग्नये स्विष्टकृत इति च ॥
dhūrtāya skandāya viśākhāya pinākasenāya bhrātṛstrīkāmāya svacchandāya varaghaṇtāya nirmilāya lohitagātrāya śalakaṭaṅkaṭāya svāheti hutvā agnaye prajāpataye ye devā divy ekādaśa stheti anumataye agnaye sviṣṭakṛta iti ca ||
Sanskrit only: no published translation is held for this verse.
शिवाग्निकृत्तिकानां तु स्तोष्यामि वरदं शुभम् । स मे स्तुतो विश्वरूपज् सर्वान् अर्थान् प्रयच्छतु ॥
śivāgnikṛttikānāṃ tu stoṣyāmi varadaṃ śubham | sa me stuto viśvarūpaj sarvān arthān prayacchatu ||
Sanskrit only: no published translation is held for this verse.
धनधान्यकुलान् भोगान् स मे वचनवेदनम् । दासीदासं तथा स्थानं मणिरत्नं सुराञ्जनम् ॥
dhanadhānyakulān bhogān sa me vacanavedanam | dāsīdāsaṃ tathā sthānaṃ maṇiratnaṃ surāñjanam ||
Sanskrit only: no published translation is held for this verse.
ये भक्त्या भजन्ते धूर्तं ब्रह्मण्यं च यशस्विनम् । सर्वे ते धनवन्तः स्युः प्रजावन्तो यशस्विनः ॥
ye bhaktyā bhajante dhūrtaṃ brahmaṇyaṃ ca yaśasvinam | sarve te dhanavantaḥ syuḥ prajāvanto yaśasvinaḥ ||
Sanskrit only: no published translation is held for this verse.
यथेन्द्रस् तु वरान् लब्ध्वा प्रीतस् तु भगवान् पुरा । देहि मे विपुलान् भोगान् भक्तानां च विशेषत इति ॥
yathendras tu varān labdhvā prītas tu bhagavān purā | dehi me vipulān bhogān bhaktānāṃ ca viśeṣata iti ||
Sanskrit only: no published translation is held for this verse.
कामसूक्तेनोपहारम् उपहरेत् ॥
kāmasūktenopahāram upaharet ||
Sanskrit only: no published translation is held for this verse.
उपहारम् इमं देव मया भक्त्या निवेदितम् । प्रतिगृह्य यथान्यायम् अक्रुद्धः सुमना भव ॥
upahāram imaṃ deva mayā bhaktyā niveditam | pratigṛhya yathānyāyam akruddhaḥ sumanā bhava ||
Sanskrit only: no published translation is held for this verse.
सद्योजातं प्रपद्यामि सद्योजाताय वै नमः । भवेभवे नादिभवे भजस्व मां भवोद्भवेति भवाय नमः ॥
sadyojātaṃ prapadyāmi sadyojātāya vai namaḥ | bhavebhave nādibhave bhajasva māṃ bhavodbhaveti bhavāya namaḥ ||
Sanskrit only: no published translation is held for this verse.
देवं प्रपद्ये वरदं प्रपद्ये स्कन्दं प्रपद्ये च कुमारम् उग्रम् । षण्णां सुतं कृत्तिकानां षडास्यम् अग्नेः पुत्रं साधनं गोपथोक्तैः ॥
devaṃ prapadye varadaṃ prapadye skandaṃ prapadye ca kumāram ugram | ṣaṇṇāṃ sutaṃ kṛttikānāṃ ṣaḍāsyam agneḥ putraṃ sādhanaṃ gopathoktaiḥ ||
Sanskrit only: no published translation is held for this verse.
रक्तानि यस्य पुष्पाणि रक्तं यस्य विलेपनम् । कुक्कुटा यस्य रक्ताक्षाः स मे स्कन्दः प्रसीदतु ॥
raktāni yasya puṣpāṇi raktaṃ yasya vilepanam | kukkuṭā yasya raktākṣāḥ sa me skandaḥ prasīdatu ||
Sanskrit only: no published translation is held for this verse.
आग्नेयं कृत्तिकापुत्रम् ऐन्द्रं के चिद् अधीयते । के चित् पाशुपतं रौद्रं यो ऽसि सो ऽसि नमो ऽस्तु त इति ॥
āgneyaṃ kṛttikāputram aindraṃ ke cid adhīyate | ke cit pāśupataṃ raudraṃ yo 'si so 'si namo 'stu ta iti ||
Sanskrit only: no published translation is held for this verse.
स्वामिने नमः शङ्करायाग्निपुत्राय कृत्तिकापुत्राय नमः ॥
svāmine namaḥ śaṅkarāyāgniputrāya kṛttikāputrāya namaḥ ||
Sanskrit only: no published translation is held for this verse.
भगवान् क्व चिद् अप्रतिरूपः स्वाहा भगवान् क्व चिद् अप्रतिरूपः ॥
bhagavān kva cid apratirūpaḥ svāhā bhagavān kva cid apratirūpaḥ ||
Sanskrit only: no published translation is held for this verse.
मणिरत्नवरप्रतिरूपः ॥ काञ्चनरत्नवरप्रतिरूप इति ॥
maṇiratnavarapratirūpaḥ || kāñcanaratnavarapratirūpa iti ||
Sanskrit only: no published translation is held for this verse.
एते [ते] देव गन्धा एतानि पुष्पाण्य् एष धूप एतां मालां त्रिः प्रदक्षिणां कृत्वा आदित्यकर्तितं सूत्रम् इति प्रतिसरम् आबध्नीयात् ॥
ete [te] deva gandhā etāni puṣpāṇy eṣa dhūpa etāṃ mālāṃ triḥ pradakṣiṇāṃ kṛtvā ādityakartitaṃ sūtram iti pratisaram ābadhnīyāt ||
Sanskrit only: no published translation is held for this verse.
आदित्यकर्तितं सूत्रम् इन्द्रेण त्रिवृतीकृतम् । अश्विभ्यां ग्रथितो ग्रन्थिर् ब्रह्मणा प्रतिसरः कृतः ॥
ādityakartitaṃ sūtram indreṇa trivṛtīkṛtam | aśvibhyāṃ grathito granthir brahmaṇā pratisaraḥ kṛtaḥ ||
Sanskrit only: no published translation is held for this verse.
धन्यं यशस्यम् आयुष्यम् अशुभस्य च घातनम् । बध्नामि प्रतिसरम् इमं सर्वशत्रुनिबर्हनम् ॥
dhanyaṃ yaśasyam āyuṣyam aśubhasya ca ghātanam | badhnāmi pratisaram imaṃ sarvaśatrunibarhanam ||
Sanskrit only: no published translation is held for this verse.
रक्षोभ्यश् च पिशाचेभ्यो गन्धर्वेभ्यस् तथैव च । मनुष्येभ्यो भयं नास्ति यच् च स्याद् दुष्कृतं कृतम् ॥
rakṣobhyaś ca piśācebhyo gandharvebhyas tathaiva ca | manuṣyebhyo bhayaṃ nāsti yac ca syād duṣkṛtaṃ kṛtam ||
Sanskrit only: no published translation is held for this verse.
स्वकृतात् परकृताच् च दुष्कृतात् प्रतिमुच्यते । सर्वस्मात् पातकान् मुक्तो भवेद् वीरस् तथैव च ॥
svakṛtāt parakṛtāc ca duṣkṛtāt pratimucyate | sarvasmāt pātakān mukto bhaved vīras tathaiva ca ||
Sanskrit only: no published translation is held for this verse.
अभिचाराच् च कृत्यातः स्त्रीकृताद् अशुभं च यत् । तावत् तस्य भतं नास्ति यावत् सूत्रं स धारयेत् ॥
abhicārāc ca kṛtyātaḥ strīkṛtād aśubhaṃ ca yat | tāvat tasya bhataṃ nāsti yāvat sūtraṃ sa dhārayet ||
Sanskrit only: no published translation is held for this verse.
यावद् आपश् च गावश् च यावत् स्थास्यन्ति पर्वताः । तावत् तस्य भयं नास्ति यः सूत्रं धारयिष्यतीति ॥
yāvad āpaś ca gāvaś ca yāvat sthāsyanti parvatāḥ | tāvat tasya bhayaṃ nāsti yaḥ sūtraṃ dhārayiṣyatīti ||
Sanskrit only: no published translation is held for this verse.
अन्वायं भुक्त्वा देवं विसर्जयेत् ॥
anvāyaṃ bhuktvā devaṃ visarjayet ||
Sanskrit only: no published translation is held for this verse.
प्रमोदो नाम गन्धर्वः प्रदोषो परिधावति । मुञ्च शैलमयात् पापन् मुञ्चमुञ्च प्रमुञ्च च ॥
pramodo nāma gandharvaḥ pradoṣo paridhāvati | muñca śailamayāt pāpan muñcamuñca pramuñca ca ||
Sanskrit only: no published translation is held for this verse.
[यावत्] इमा आपः पवनेन पूता हिरण्यवर्णा अनवद्यरूपाः । तावद् इमं धूर्तं प्रवाहयामि प्रवाहितो मे देहि वरान् यथोक्तान् ॥
[yāvat] imā āpaḥ pavanena pūtā hiraṇyavarṇā anavadyarūpāḥ | tāvad imaṃ dhūrtaṃ pravāhayāmi pravāhito me dehi varān yathoktān ||
Sanskrit only: no published translation is held for this verse.
उदितेषु नक्षत्रेषु गृहान् प्रविष्टो गृहिणीं पश्येत् धनवति धनं मे देहीति ॥
uditeṣu nakṣatreṣu gṛhān praviṣṭo gṛhiṇīṃ paśyet dhanavati dhanaṃ me dehīti ||
Sanskrit only: no published translation is held for this verse.
यद् भोक्तुं कामजातं जगत्यां मनसा संहीहते तत्तद् द्विजन्मा पिनाकसेनयजमानात् कामम् उपभुक्तो भुक्त्वामृतत्वं तद्वद् एवाभ्युपैति ॥
yad bhoktuṃ kāmajātaṃ jagatyāṃ manasā saṃhīhate tattad dvijanmā pinākasenayajamānāt kāmam upabhukto bhuktvāmṛtatvaṃ tadvad evābhyupaiti ||
Sanskrit only: no published translation is held for this verse.