Atharvavedaparisistas 21.1

ॐ संभारान् कीर्तयिष्यामो यथालक्षणसंयुतान् । यैः कर्म क्रियमाणं हि फलवत् स्याद् द्विजन्मनाम् ॥

oṃ saṃbhārān kīrtayiṣyāmo yathālakṣaṇasaṃyutān | yaiḥ karma kriyamāṇaṃ hi phalavat syād dvijanmanām ||

Sanskrit only: no published translation is held for this verse.

अछिन्नाग्रान् कुशान् आर्द्रान् इन्द्रनीलसमप्रभान् । शुष्कान् अपि श्वेतवर्णान् आहुः शान्तिकरान् बुधाः ॥

achinnāgrān kuśān ārdrān indranīlasamaprabhān | śuṣkān api śvetavarṇān āhuḥ śāntikarān budhāḥ ||

Sanskrit only: no published translation is held for this verse.

सुरभीणि च पुष्पाणि सुस्वादूनि फलानि च मनोहराणि वासांसि संभारेषूपकल्पयेत् ॥

surabhīṇi ca puṣpāṇi susvādūni phalāni ca manoharāṇi vāsāṃsi saṃbhāreṣūpakalpayet ||

Sanskrit only: no published translation is held for this verse.

सुरभीण्य् एव बीजानि अन्यवस्तूनि यानि च । अर्घचन्दनधूपादि हेमरत्नादि चोत्तमम् ॥

surabhīṇy eva bījāni anyavastūni yāni ca | arghacandanadhūpādi hemaratnādi cottamam ||

Sanskrit only: no published translation is held for this verse.

ऋत्विजस् तु समाख्याता वयःशीलगुणान्विताः । द्वात्रिंशत् षोडशाष्टौ वा शान्तिकार्ये तथाद्भुते ॥

ṛtvijas tu samākhyātā vayaḥśīlaguṇānvitāḥ | dvātriṃśat ṣoḍaśāṣṭau vā śāntikārye tathādbhute ||

Sanskrit only: no published translation is held for this verse.

सहिरण्याः सवस्त्राश् च सालंकाराः सवत्सकाः । ते सदस्या इति प्रोक्ता वाचने यज्ञकर्मणि ॥

sahiraṇyāḥ savastrāś ca sālaṃkārāḥ savatsakāḥ | te sadasyā iti proktā vācane yajñakarmaṇi ||

Sanskrit only: no published translation is held for this verse.

गावश् च दक्षिणार्थं हि पयस्विन्यः सुलक्षणाः ।

gāvaś ca dakṣiṇārthaṃ hi payasvinyaḥ sulakṣaṇāḥ |

Sanskrit only: no published translation is held for this verse.

षोडशाष्टौ च चत्वारश् चतुर्णां वेदवित्तमाः ॥

ṣoḍaśāṣṭau ca catvāraś caturṇāṃ vedavittamāḥ ||

Sanskrit only: no published translation is held for this verse.