Atharvavedaparisistas 21.4

गुल्मवल्लीलतायुक्ते हृद्यैश् च मधुरैर् द्रुमैः । तरुणैः फलवद्भिश् च श्मशानास्थिविवर्जिते ॥

gulmavallīlatāyukte hṛdyaiś ca madhurair drumaiḥ | taruṇaiḥ phalavadbhiś ca śmaśānāsthivivarjite ||

Sanskrit only: no published translation is held for this verse.

मयूरचक्रवाकादिहंसकारण्डवादिभिः । सुस्वरैर् नादिते देशे हृद्याङ्कुरसमन्विते ॥

mayūracakravākādihaṃsakāraṇḍavādibhiḥ | susvarair nādite deśe hṛdyāṅkurasamanvite ||

Sanskrit only: no published translation is held for this verse.

नदीतटे समुद्रस्य संगमे वा विशेषतः । अनिन्द्ये दिग्विभागे च उत्तरे वापराजिते ॥

nadītaṭe samudrasya saṃgame vā viśeṣataḥ | anindye digvibhāge ca uttare vāparājite ||

Sanskrit only: no published translation is held for this verse.

भूमिं संशोधयेत् कर्ता प्रागुदक्प्प्रवणे शुभे । प्राचीं संशोध्य यत्नेन मण्डपं तत्र कारयेत् ॥

bhūmiṃ saṃśodhayet kartā prāgudakppravaṇe śubhe | prācīṃ saṃśodhya yatnena maṇḍapaṃ tatra kārayet ||

Sanskrit only: no published translation is held for this verse.

नवकोष्ठं समं वापि हस्तैः षोषशभिर् मितम् । चतुरश्रं चतुर्द्वारम् एकोर्ध्वद्वारम् एव वा ॥

navakoṣṭhaṃ samaṃ vāpi hastaiḥ ṣoṣaśabhir mitam | caturaśraṃ caturdvāram ekordhvadvāram eva vā ||

Sanskrit only: no published translation is held for this verse.