Atharvavedaparisistas 21.7

मथिते ऽग्नौ विधानेन शान्त्युदकेन समन्त्रकम् । होमं कृत्वा यथोक्तं तु निमित्तान्य् उपलक्षयेत् ॥

mathite 'gnau vidhānena śāntyudakena samantrakam | homaṃ kṛtvā yathoktaṃ tu nimittāny upalakṣayet ||

Sanskrit only: no published translation is held for this verse.

मेघदुन्दुभिनिर्घोषैः प्रज्वलन् सर्वतस् तथा । अव्यवछिन्नदीर्घार्चिः सुस्निग्धः सिद्धिकारकः ॥

meghadundubhinirghoṣaiḥ prajvalan sarvatas tathā | avyavachinnadīrghārciḥ susnigdhaḥ siddhikārakaḥ ||

Sanskrit only: no published translation is held for this verse.

किंशुकाशोकपद्माभो नीलोत्पलनिभस् तथा । वह्निः सिद्धिकरो ज्ञेयः सप्तरात्रान् न संशयः ॥

kiṃśukāśokapadmābho nīlotpalanibhas tathā | vahniḥ siddhikaro jñeyaḥ saptarātrān na saṃśayaḥ ||

Sanskrit only: no published translation is held for this verse.

हुतमात्रे प्रज्वलति विहसन्न् इव दृश्यते । तं विद्यात् सिद्धिदं वह्निं पद्मवर्णनिभं तथा ॥

hutamātre prajvalati vihasann iva dṛśyate | taṃ vidyāt siddhidaṃ vahniṃ padmavarṇanibhaṃ tathā ||

Sanskrit only: no published translation is held for this verse.

अस्निग्धार्चिः सधूमो यः कृष्णवर्णो ऽप्रदक्षिणः । यथोक्तविपरीतस् तु न वह्निः स्यात् प्रयंकरः ॥

asnigdhārciḥ sadhūmo yaḥ kṛṣṇavarṇo 'pradakṣiṇaḥ | yathoktaviparītas tu na vahniḥ syāt prayaṃkaraḥ ||

Sanskrit only: no published translation is held for this verse.

यस्मिन् प्रसन्नताम् एति हूयमाने हुताशने । तत्र नित्यं महासिद्धिर् असमाप्ते विनिर्दिशेत् ॥ असमाप्ते विनिर्दिशेत् ॥ इति संभारलक्षणं समाप्तम् ॥

yasmin prasannatām eti hūyamāne hutāśane | tatra nityaṃ mahāsiddhir asamāpte vinirdiśet || asamāpte vinirdiśet || iti saṃbhāralakṣaṇaṃ samāptam ||

Sanskrit only: no published translation is held for this verse.