Library·Atharvavedaparisistas·25
ॐ शौनकं तु सुखासीनं भार्गवः परिपृच्छति । कुण्डं कस्मिन् भवेत् कीदृक् कस्यां वा दिशि किं फलम् ॥
oṃ śaunakaṃ tu sukhāsīnaṃ bhārgavaḥ paripṛcchati | kuṇḍaṃ kasmin bhavet kīdṛk kasyāṃ vā diśi kiṃ phalam ||
Sanskrit only: no published translation is held for this verse.
स तस्मा उपसन्नाय आचष्टे भार्गवाय तु । कुण्डं यस्मिन् भवेद् यादृग् यस्यां वा दिशि यत् फलम् ॥
sa tasmā upasannāya ācaṣṭe bhārgavāya tu | kuṇḍaṃ yasmin bhaved yādṛg yasyāṃ vā diśi yat phalam ||
Sanskrit only: no published translation is held for this verse.
चतुरश्रं शफाकृत्या अर्धचन्द्रं त्रिकोणकम् । वर्तुलं पञ्चकोणं च पद्माभं सप्तकोणकम् ॥
caturaśraṃ śaphākṛtyā ardhacandraṃ trikoṇakam | vartulaṃ pañcakoṇaṃ ca padmābhaṃ saptakoṇakam ||
Sanskrit only: no published translation is held for this verse.
कुण्डान्य् एतानि पूर्वादिदिक्षु अष्टसु विनिर्दिशेत् । दिग्देवतानां चाष्टानां कर्मणि स्वम्स्वम् आदिशेत् ॥
kuṇḍāny etāni pūrvādidikṣu aṣṭasu vinirdiśet | digdevatānāṃ cāṣṭānāṃ karmaṇi svamsvam ādiśet ||
Sanskrit only: no published translation is held for this verse.
चतुरश्रं तु पूर्वस्याम् ऐन्द्रेष्व् अपि च कर्मसु । शफाकृति तदाग्नेय्याम् आग्नेयेष्व् अपि कर्मसु ॥
caturaśraṃ tu pūrvasyām aindreṣv api ca karmasu | śaphākṛti tadāgneyyām āgneyeṣv api karmasu ||
Sanskrit only: no published translation is held for this verse.
अर्धचन्द्रं तु याम्यायां याम्येष्व् अपि च कर्मसु । नैरृत्यां च त्रिकोणं स्याद् अभिचारविधौ शुभम् ॥
ardhacandraṃ tu yāmyāyāṃ yāmyeṣv api ca karmasu | nairṛtyāṃ ca trikoṇaṃ syād abhicāravidhau śubham ||
Sanskrit only: no published translation is held for this verse.
वारुण्यां वर्तुलं ज्ञेयं वारुण्येष्व् अपि कर्मसु । वायव्यां पञ्चकोणं तु वायव्येष्व् अपि कर्मन् ॥
vāruṇyāṃ vartulaṃ jñeyaṃ vāruṇyeṣv api karmasu | vāyavyāṃ pañcakoṇaṃ tu vāyavyeṣv api karman ||
Sanskrit only: no published translation is held for this verse.
उत्तरस्यां तु पद्माभं सौम्येष्व् अपि च कर्मसु । ऐशान्यां सप्तकोणं तु रौद्रेष्व् अपि यथोदितम् ॥
uttarasyāṃ tu padmābhaṃ saumyeṣv api ca karmasu | aiśānyāṃ saptakoṇaṃ tu raudreṣv api yathoditam ||
Sanskrit only: no published translation is held for this verse.
सर्वकर्मसु विज्ञेयं कुण्डं पद्मनिभं तु यत् । चतुरश्रं तु सर्वत्र समं स्याद् विजयावहम् ॥
sarvakarmasu vijñeyaṃ kuṇḍaṃ padmanibhaṃ tu yat | caturaśraṃ tu sarvatra samaṃ syād vijayāvaham ||
Sanskrit only: no published translation is held for this verse.
सर्वशान्तिकरं कुण्डं पद्माकारं विशेषतः । शान्तिके चतुरश्रं च पौष्टिके वर्तुलं तथा ॥
sarvaśāntikaraṃ kuṇḍaṃ padmākāraṃ viśeṣataḥ | śāntike caturaśraṃ ca pauṣṭike vartulaṃ tathā ||
Sanskrit only: no published translation is held for this verse.
अभिचारे त्रिकोणं च वश्यादौ चार्धचन्द्रकम् । षट्कोणं मारणादौ च विद्वेषे चाष्टकोणकम् ॥
abhicāre trikoṇaṃ ca vaśyādau cārdhacandrakam | ṣaṭkoṇaṃ māraṇādau ca vidveṣe cāṣṭakoṇakam ||
Sanskrit only: no published translation is held for this verse.
मेखला सर्वकुण्डेषु द्वादशाङ्गुलम् इष्यते । चतुरङ्गुलमानेन पूर्वापूर्वसमुच्छ्रिता ॥
mekhalā sarvakuṇḍeṣu dvādaśāṅgulam iṣyate | caturaṅgulamānena pūrvāpūrvasamucchritā ||
Sanskrit only: no published translation is held for this verse.
न चेत् पुरस्ताद् धीनं स्यात् सुखं यज्ञः समाप्यते । यत् तु दक्षिणतो ऽहीनं तद् राज्ञस् त्व् अभयप्रदम् ॥
na cet purastād dhīnaṃ syāt sukhaṃ yajñaḥ samāpyate | yat tu dakṣiṇato 'hīnaṃ tad rājñas tv abhayapradam ||
Sanskrit only: no published translation is held for this verse.
यथाहीनं पश्चिमेन भवेत् तत् सिद्धिदं शुभम् । उत्तरेण समम्यत् स्यात् तद् राज्ञो राज्यवर्धनम् ॥
yathāhīnaṃ paścimena bhavet tat siddhidaṃ śubham | uttareṇa samamyat syāt tad rājño rājyavardhanam ||
Sanskrit only: no published translation is held for this verse.
मध्ये समं च सुखदं दिग्विदिक्षु समं तु यत् । तद् राजजनसंपत्कृत् सर्वांश् चारीन् विनाशयेत् ॥
madhye samaṃ ca sukhadaṃ digvidikṣu samaṃ tu yat | tad rājajanasaṃpatkṛt sarvāṃś cārīn vināśayet ||
Sanskrit only: no published translation is held for this verse.
न चेत् पुरस्ताद् इत्यादि य एष कथितो विधिः । मण्डपानां गृहाणां च माने शान्तिकरः स्मृतः ॥
na cet purastād ityādi ya eṣa kathito vidhiḥ | maṇḍapānāṃ gṛhāṇāṃ ca māne śāntikaraḥ smṛtaḥ ||
Sanskrit only: no published translation is held for this verse.
हस्तकुण्डं सदाहोमे अयुते द्विकरं स्मृतम् । लक्षहोमे चतुष्पाणि कोट्याम् अष्टकरं स्मृतम् ॥
hastakuṇḍaṃ sadāhome ayute dvikaraṃ smṛtam | lakṣahome catuṣpāṇi koṭyām aṣṭakaraṃ smṛtam ||
Sanskrit only: no published translation is held for this verse.