ॐ समिधां संप्रवक्ष्यामि प्रमाणं लक्षणं शुभम् । तथाशुभं च तत्त्वेन यथाफलविभागतः ॥
oṃ samidhāṃ saṃpravakṣyāmi pramāṇaṃ lakṣaṇaṃ śubham | tathāśubhaṃ ca tattvena yathāphalavibhāgataḥ ||
Sanskrit only: no published translation is held for this verse.
Library·Atharvavedaparisistas·26·26.1
Atharvavedaparisistas 26.1
यज्ञकर्मणि कर्तव्या[ः] शान्तिके पौष्टिके तथा । प्रादेशमात्रीः समिधः प्रोक्ताः सर्वेषु कर्मसु ॥
yajñakarmaṇi kartavyā[ḥ] śāntike pauṣṭike tathā | prādeśamātrīḥ samidhaḥ proktāḥ sarveṣu karmasu ||
Sanskrit only: no published translation is held for this verse.
तिर्यग् यवोदराण्य् अष्टाव् ऊर्ध्वा वा व्रीहयस् त्रयः । अङ्गुलस्य प्रमाणेन प्रादेशो द्वादशाङ्गुलः ॥
tiryag yavodarāṇy aṣṭāv ūrdhvā vā vrīhayas trayaḥ | aṅgulasya pramāṇena prādeśo dvādaśāṅgulaḥ ||
Sanskrit only: no published translation is held for this verse.
अत ऊर्ध्वं न कर्तव्या नापि ह्रस्वा न चोर्ध्वतः । न वक्रा चैव कर्तव्या नापि ग्रन्थिसमन्विता ॥
ata ūrdhvaṃ na kartavyā nāpi hrasvā na cordhvataḥ | na vakrā caiva kartavyā nāpi granthisamanvitā ||
Sanskrit only: no published translation is held for this verse.
ऊर्ध्वतस् तु यतो वक्रा चित्रदद्रुविचर्चिकाः । करोति यागे क्षिप्रं तु तस्मात् तां परिवर्जयेत् ॥
ūrdhvatas tu yato vakrā citradadruvicarcikāḥ | karoti yāge kṣipraṃ tu tasmāt tāṃ parivarjayet ||
Sanskrit only: no published translation is held for this verse.