दुर्भगं कुरुते वक्रा स्थानभ्रंशं द्विधाग्रतः । कृशा सर्वविनाशाय दीर्घा नाशयते श्रियम् ॥
durbhagaṃ kurute vakrā sthānabhraṃśaṃ dvidhāgrataḥ | kṛśā sarvavināśāya dīrghā nāśayate śriyam ||
Sanskrit only: no published translation is held for this verse.
Library·Atharvavedaparisistas·26·26.3
Atharvavedaparisistas 26.3
स्थूला तु कुरुते विघ्नं सर्वकार्ये द्विजस्य तु । अतः प्रमाणं विविधं फलं चापि तथा शृणु ॥
sthūlā tu kurute vighnaṃ sarvakārye dvijasya tu | ataḥ pramāṇaṃ vividhaṃ phalaṃ cāpi tathā śṛṇu ||
Sanskrit only: no published translation is held for this verse.
लतापल्लवसंजाता द्वादशाङ्गुलकल्पिता । क्षीराक्ता शान्तिके होमे होतव्या तु विशेषतः ॥
latāpallavasaṃjātā dvādaśāṅgulakalpitā | kṣīrāktā śāntike home hotavyā tu viśeṣataḥ ||
Sanskrit only: no published translation is held for this verse.
केवलं मुक्तिसिद्ध्यर्थं घृताक्ता[म्] होमयेद्द्विजः । दशाङ्गुलप्रमाणां हि होमयेन् मन्त्रकर्मणि ॥
kevalaṃ muktisiddhyarthaṃ ghṛtāktā[m] homayeddvijaḥ | daśāṅgulapramāṇāṃ hi homayen mantrakarmaṇi ||
Sanskrit only: no published translation is held for this verse.
नवाङ्गुला तु कर्तव्या तैलाभ्यक्ताभिचारिके । अष्टाङ्गुला विभूत्यर्थे घृतदध्ना तु होमयेत् ॥
navāṅgulā tu kartavyā tailābhyaktābhicārike | aṣṭāṅgulā vibhūtyarthe ghṛtadadhnā tu homayet ||
Sanskrit only: no published translation is held for this verse.