Atharvavedaparisistas 26.4

केवलं मधुसंयुक्ता सप्ताङ्गुलदलीकृता । उच्चाटने प्रशस्ता सा द्विदला च न शान्तये ॥

kevalaṃ madhusaṃyuktā saptāṅguladalīkṛtā | uccāṭane praśastā sā dvidalā ca na śāntaye ||

Sanskrit only: no published translation is held for this verse.

विद्वेषे कटुतैलाक्ता द्विदला तु षडङ्गुला । सर्वतो ग्रन्थिहीना तु विप्राणां स्यात् समिच् छुभा ॥

vidveṣe kaṭutailāktā dvidalā tu ṣaḍaṅgulā | sarvato granthihīnā tu viprāṇāṃ syāt samic chubhā ||

Sanskrit only: no published translation is held for this verse.

अवक्राग्रन्थिसंयुक्ता क्षत्रियाणां जयावहा । मध्ये तु ग्रन्थिसंयुक्ता वैश्यानां भूतिसाधनी ॥

avakrāgranthisaṃyuktā kṣatriyāṇāṃ jayāvahā | madhye tu granthisaṃyuktā vaiśyānāṃ bhūtisādhanī ||

Sanskrit only: no published translation is held for this verse.

त्रयाणाम् अपि वक्ष्यन्ते या ग्राह्याः समिधः स्मृतः । नात्यार्द्रा नातिशुष्का वा नैव चोषरसंभवाः ॥

trayāṇām api vakṣyante yā grāhyāḥ samidhaḥ smṛtaḥ | nātyārdrā nātiśuṣkā vā naiva coṣarasaṃbhavāḥ ||

Sanskrit only: no published translation is held for this verse.

न दग्धा न कृमिदष्टाः सर्वदोषविवर्जिताः । समिधाम् इन्धनानां च तुल्यान् वृक्षान् ब्रवीम्य् अतः ॥

na dagdhā na kṛmidaṣṭāḥ sarvadoṣavivarjitāḥ | samidhām indhanānāṃ ca tulyān vṛkṣān bravīmy ataḥ ||

Sanskrit only: no published translation is held for this verse.

शुषुकैर् या इन्धनैः पूर्वं यज्ञवृक्षमयैः शुभैः । आर्द्राणि होमयेच् चैव शुष्कैः कलहकर्मणि । शुष्काणि हीन्धनानि स्युः समिधस् तु यथोदिताः ॥

śuṣukair yā indhanaiḥ pūrvaṃ yajñavṛkṣamayaiḥ śubhaiḥ | ārdrāṇi homayec caiva śuṣkaiḥ kalahakarmaṇi | śuṣkāṇi hīndhanāni syuḥ samidhas tu yathoditāḥ ||

Sanskrit only: no published translation is held for this verse.