पुष्टिकामः पलाशस्य गृह्णीयाच् छान्तिकर्मणि उदुम्बरस्य वित्तार्थी वटाश्वत्थस्य राज्यधीः ॥
puṣṭikāmaḥ palāśasya gṛhṇīyāc chāntikarmaṇi udumbarasya vittārthī vaṭāśvatthasya rājyadhīḥ ||
Sanskrit only: no published translation is held for this verse.
Library·Atharvavedaparisistas·26·26.5
Atharvavedaparisistas 26.5
श्रीकामो बिल्ववृक्षस्य कदम्बस्य तथैव च । विद्वेषं कटुकैः कुर्यात् कण्टकैर् मरणं भवेत् ॥
śrīkāmo bilvavṛkṣasya kadambasya tathaiva ca | vidveṣaṃ kaṭukaiḥ kuryāt kaṇṭakair maraṇaṃ bhavet ||
Sanskrit only: no published translation is held for this verse.
ककुभं कटभं वृक्षं कौविरालं तु कौहकम् । वंशं विभीतकं शिग्रुं विद्याद् उच्चाटने हितान् ॥
kakubhaṃ kaṭabhaṃ vṛkṣaṃ kauvirālaṃ tu kauhakam | vaṃśaṃ vibhītakaṃ śigruṃ vidyād uccāṭane hitān ||
Sanskrit only: no published translation is held for this verse.
स्तम्भने सर्वसैन्यानां विजयार्थे जयं दिशेत् । अपामार्गेण सौभाग्यम् आयुष्कामो हि दूर्वया ॥
stambhane sarvasainyānāṃ vijayārthe jayaṃ diśet | apāmārgeṇa saubhāgyam āyuṣkāmo hi dūrvayā ||
Sanskrit only: no published translation is held for this verse.
पुन्नागचम्पकौ वृक्षा ये चान्ये क्षीरिणः शुभाः । यद् यत्र लक्षणं प्रोक्तं यस्मिन् काले यथाविधि ॥
punnāgacampakau vṛkṣā ye cānye kṣīriṇaḥ śubhāḥ | yad yatra lakṣaṇaṃ proktaṃ yasmin kāle yathāvidhi ||
Sanskrit only: no published translation is held for this verse.
तत्र तेनैव सिद्धिः स्याद् विपरीते तथा भयम् । अर्कः पलाशो मधुको न्यग्रोधोदुम्बरस् तथा ॥
tatra tenaiva siddhiḥ syād viparīte tathā bhayam | arkaḥ palāśo madhuko nyagrodhodumbaras tathā ||
Sanskrit only: no published translation is held for this verse.
प्लक्षो ऽश्वत्थो गोमयानिकुशाश् च समिधः क्रमात् । यथाक्रमेण समिध आदित्यादिग्रहेषु च ॥
plakṣo 'śvattho gomayānikuśāś ca samidhaḥ kramāt | yathākrameṇa samidha ādityādigraheṣu ca ||
Sanskrit only: no published translation is held for this verse.
शतं सहस्रं लक्षं वा गायत्र्या परमाहुतिः । हूयमानं तु यत् किं चित् कृतान्नं यदि वा तिलाः ॥
śataṃ sahasraṃ lakṣaṃ vā gāyatryā paramāhutiḥ | hūyamānaṃ tu yat kiṃ cit kṛtānnaṃ yadi vā tilāḥ ||
Sanskrit only: no published translation is held for this verse.
ग्रहनक्षत्रपीडायां सावित्र्यापि हुतं हुतम् । एषभेदो मयाख्यातः शुभस्य त्व् अशुभस्य च ॥
grahanakṣatrapīḍāyāṃ sāvitryāpi hutaṃ hutam | eṣabhedo mayākhyātaḥ śubhasya tv aśubhasya ca ||
Sanskrit only: no published translation is held for this verse.
यथोक्तम् एतद् यः कुर्यात् स सर्वफलम् आप्नुयाद् इति ॥
yathoktam etad yaḥ kuryāt sa sarvaphalam āpnuyād iti ||
Sanskrit only: no published translation is held for this verse.