Atharvavedaparisistas 27

ॐ सौवर्णराजतैस् ताम्रैः कांस्यैर् द्रौमैस् तथायसैः । स्रुवैः सर्वगुणोपेतैः कर्म कुर्याद् यथाक्रमम् ॥

oṃ sauvarṇarājatais tāmraiḥ kāṃsyair draumais tathāyasaiḥ | sruvaiḥ sarvaguṇopetaiḥ karma kuryād yathākramam ||

Sanskrit only: no published translation is held for this verse.

सौवर्णै राजतैर् यज्ञे ताम्रैः शान्तिकपौष्टिके । कांस्येन रुधिरं मांसं नान्यज् जुहुवीत किं चन ॥

sauvarṇai rājatair yajñe tāmraiḥ śāntikapauṣṭike | kāṃsyena rudhiraṃ māṃsaṃ nānyaj juhuvīta kiṃ cana ||

Sanskrit only: no published translation is held for this verse.

सर्वे यज्ञे प्रयोक्तव्या वर्जयित्वायसं स्रुवम् । आयसं खादिरं चैव अभिचारे प्रयोजयेत् ॥

sarve yajñe prayoktavyā varjayitvāyasaṃ sruvam | āyasaṃ khādiraṃ caiva abhicāre prayojayet ||

Sanskrit only: no published translation is held for this verse.

अधुन्वंश् चैव जुहुयात् स्रुवेणास्फुटिताहुतिम् । धुन्वन् हि हन्ति पुत्रान् तु राक्षसा स्फुटिताहुतिः ॥

adhunvaṃś caiva juhuyāt sruveṇāsphuṭitāhutim | dhunvan hi hanti putrān tu rākṣasā sphuṭitāhutiḥ ||

Sanskrit only: no published translation is held for this verse.

नान्यत् किं चिद् अभिध्यायेद् उद्धृत्यान्यत आहुतिम् । तद् दैवतम् अभिध्यायेद् आहुतिर् यस्य हूयते ॥

nānyat kiṃ cid abhidhyāyed uddhṛtyānyata āhutim | tad daivatam abhidhyāyed āhutir yasya hūyate ||

Sanskrit only: no published translation is held for this verse.

स्रुवे पूर्णे जपेन् मन्त्रम् उत्तानं शान्तिके करम् । शान्तिके पौष्टिके चैव वर्जयेत् तु कनीनिकाम् ॥

sruve pūrṇe japen mantram uttānaṃ śāntike karam | śāntike pauṣṭike caiva varjayet tu kanīnikām ||

Sanskrit only: no published translation is held for this verse.

नातिदीर्घो नातिह्रस्वो नातिस्थूलः कृशस् तथा । अष्टाविंशत्यङ्गुलः स्यात् कनिष्ठाग्रप्रमाणतः ॥

nātidīrgho nātihrasvo nātisthūlaḥ kṛśas tathā | aṣṭāviṃśatyaṅgulaḥ syāt kaniṣṭhāgrapramāṇataḥ ||

Sanskrit only: no published translation is held for this verse.

दीर्घो हिनस्ति राजानं ह्रस्व र्त्विजं विनाशयेत् । स्थूलः सस्योपघाताय कृशः क्षयकरः स्मृतः ॥

dīrgho hinasti rājānaṃ hrasva rtvijaṃ vināśayet | sthūlaḥ sasyopaghātāya kṛśaḥ kṣayakaraḥ smṛtaḥ ||

Sanskrit only: no published translation is held for this verse.

गोपुच्छाग्राकृतिर् दण्डो मण्डलाग्र[म्] शिरो विदुः । अङ्गुष्ठाग्रप्रमाणेन निम्नं शिरसि खानयेत् ॥

gopucchāgrākṛtir daṇḍo maṇḍalāgra[m] śiro viduḥ | aṅguṣṭhāgrapramāṇena nimnaṃ śirasi khānayet ||

Sanskrit only: no published translation is held for this verse.

एतल् लक्षणम् उद्दिष्टं स्रुवस्य फलभेदतः । गोपथेन यथाशास्त्रम् उद्धृतं श्रुतिचोदनात् । स्रुवेण कुरुते कर्म हस्तेनापि तथा शृणु ॥

etal lakṣaṇam uddiṣṭaṃ sruvasya phalabhedataḥ | gopathena yathāśāstram uddhṛtaṃ śruticodanāt | sruveṇa kurute karma hastenāpi tathā śṛṇu ||

Sanskrit only: no published translation is held for this verse.