ॐ यदा जुहोति हस्तेन दक्षिणेनेतरेण वा । तदा वक्ष्ये विधिं तस्य श्रेयसी स्याद् यथाहुतिः ॥
oṃ yadā juhoti hastena dakṣiṇenetareṇa vā | tadā vakṣye vidhiṃ tasya śreyasī syād yathāhutiḥ ||
Sanskrit only: no published translation is held for this verse.
Library·Atharvavedaparisistas·28
Atharvavedaparisistas 28
यथा नश्यति चैवास्य कर्म गुह्यम् अजानतः । तथाहं संप्रवक्ष्यामि गोपथः पाठम् इच्छताम् ॥
yathā naśyati caivāsya karma guhyam ajānataḥ | tathāhaṃ saṃpravakṣyāmi gopathaḥ pāṭham icchatām ||
Sanskrit only: no published translation is held for this verse.
कुशबल्बजमौञ्जां वा कृत्वा वेष्टिम् अनामिकाम् । होमकर्म ततः कुर्यात् स्पृष्ट्वा वामेन दक्षिणम् ॥
kuśabalbajamauñjāṃ vā kṛtvā veṣṭim anāmikām | homakarma tataḥ kuryāt spṛṣṭvā vāmena dakṣiṇam ||
Sanskrit only: no published translation is held for this verse.
न रिक्तपाणिर् जुहुयान् नानिपातितजानुकः । अनिपातितजानोश् च हरन्त्य् आहुती राक्षसाः ॥
na riktapāṇir juhuyān nānipātitajānukaḥ | anipātitajānoś ca haranty āhutī rākṣasāḥ ||
Sanskrit only: no published translation is held for this verse.
उद्धृत्य समिधो ऽन्नं वा पञ्चभिर् जुहुयाद् बुधः । शनैश् च निर्वपेद् अन्नं मध्ये ऽग्नौ सुसमाहितः ॥
uddhṛtya samidho 'nnaṃ vā pañcabhir juhuyād budhaḥ | śanaiś ca nirvaped annaṃ madhye 'gnau susamāhitaḥ ||
Sanskrit only: no published translation is held for this verse.
गृहकर्मणि यज्ञे वा तथा पञ्चभिर् एव तु । शान्तिके पौष्टिके वैव वर्जयेत् तु कनीनिकाम् ॥
gṛhakarmaṇi yajñe vā tathā pañcabhir eva tu | śāntike pauṣṭike vaiva varjayet tu kanīnikām ||
Sanskrit only: no published translation is held for this verse.
तिसृभिर् जुहुयाद् अन्नं न तिलान् नैव तण्डुलान् । यदाभिचारिकं किं चित् तस्मिन् काले प्रयोजयेत् ॥
tisṛbhir juhuyād annaṃ na tilān naiva taṇḍulān | yadābhicārikaṃ kiṃ cit tasmin kāle prayojayet ||
Sanskrit only: no published translation is held for this verse.
वामेनाभिचारन् नित्यं त्रिभिर् अङ्गुलिभिः समैः । निर्दिष्टं तिसृभिः शूलं तेन शत्रुं निपातयेत् ॥
vāmenābhicāran nityaṃ tribhir aṅgulibhiḥ samaiḥ | nirdiṣṭaṃ tisṛbhiḥ śūlaṃ tena śatruṃ nipātayet ||
Sanskrit only: no published translation is held for this verse.
अपसव्येन हस्तेन सव्यं यदि जुहोति तत् । सव्येन चापसव्यं तु [सव्यं यदि जुहोति तत्] ॥
apasavyena hastena savyaṃ yadi juhoti tat | savyena cāpasavyaṃ tu [savyaṃ yadi juhoti tat] ||
Sanskrit only: no published translation is held for this verse.
अभिचारस् तु तत् प्रोक्तः॥॥षर्वशान्तिं गमिष्यति ॥
abhicāras tu tat proktaḥ....ṣarvaśāntiṃ gamiṣyati ||
Sanskrit only: no published translation is held for this verse.