Atharvavedaparisistas 29

ॐ बृहस्पतिं सुखासीनम् आत्मविद्यापरायणम् । प्रणिपत्य महर्त्विजं नारदः परिपृच्छति ॥

oṃ bṛhaspatiṃ sukhāsīnam ātmavidyāparāyaṇam | praṇipatya mahartvijaṃ nāradaḥ paripṛcchati ||

Sanskrit only: no published translation is held for this verse.

कथयस्व महाप्राज्ञ सर्वशास्त्रविशारद । अशुभं यच् छुभं वापि लक्षणं पावकस्य तु ॥

kathayasva mahāprājña sarvaśāstraviśārada | aśubhaṃ yac chubhaṃ vāpi lakṣaṇaṃ pāvakasya tu ||

Sanskrit only: no published translation is held for this verse.

स पृष्टस् तेन तत् सर्वम् आचचक्षे महामतिः ॥

sa pṛṣṭas tena tat sarvam ācacakṣe mahāmatiḥ ||

Sanskrit only: no published translation is held for this verse.

हूयमानोयदा वह्निर् ऋजुज्वालः प्रदृश्यते । स्निग्धश् च किंशुकाभश् च सिद्धिस् तत्र विनिर्दिशेत् ॥

hūyamānoyadā vahnir ṛjujvālaḥ pradṛśyate | snigdhaś ca kiṃśukābhaś ca siddhis tatra vinirdiśet ||

Sanskrit only: no published translation is held for this verse.

यत्र बालार्कवर्णाभः कर्मण्य् अग्निः प्रदृश्यते । शान्तिं लभेते तत्राशु यजमानपुरोहितौ ॥

yatra bālārkavarṇābhaḥ karmaṇy agniḥ pradṛśyate | śāntiṃ labhete tatrāśu yajamānapurohitau ||

Sanskrit only: no published translation is held for this verse.

अशोककुसुमाभो ऽपि काञ्चनाभस् तथैव च । शान्तिं करोत्य् आकालेन हूयमानो हुताशनः ॥

aśokakusumābho 'pi kāñcanābhas tathaiva ca | śāntiṃ karoty ākālena hūyamāno hutāśanaḥ ||

Sanskrit only: no published translation is held for this verse.

अधूमो ज्वलते क्षिप्रं कृत्वावर्तं प्रदक्षिणम् । तदा शान्तिं विजानीयाद् विपरीते तथा भयम् ॥

adhūmo jvalate kṣipraṃ kṛtvāvartaṃ pradakṣiṇam | tadā śāntiṃ vijānīyād viparīte tathā bhayam ||

Sanskrit only: no published translation is held for this verse.

श्वसते गर्जते चैव विस्फुलिङ्गाः समन्ततः । प्रायश्चित्तिं तदाकुर्याद् यद् उक्तं कौशिकेन तु ॥

śvasate garjate caiva visphuliṅgāḥ samantataḥ | prāyaścittiṃ tadākuryād yad uktaṃ kauśikena tu ||

Sanskrit only: no published translation is held for this verse.

अथाप्य् आलिङ्गते भूमिं भ्रमते च समन्ततः । अशुभं कथयेत् तत्र होत्रे ऽसौ पावकः स्वयम् ॥

athāpy āliṅgate bhūmiṃ bhramate ca samantataḥ | aśubhaṃ kathayet tatra hotre 'sau pāvakaḥ svayam ||

Sanskrit only: no published translation is held for this verse.

कपिलः पिङ्गलस् ताम्रो रक्तः काञ्चनसप्रभः । शुभकृत् पावको ज्ञेयो विपरीतो भयावहः ॥

kapilaḥ piṅgalas tāmro raktaḥ kāñcanasaprabhaḥ | śubhakṛt pāvako jñeyo viparīto bhayāvahaḥ ||

Sanskrit only: no published translation is held for this verse.

यदाग्नौ लक्षणं किं चिद् अशुभं तु प्रदृश्यते । होता क्लेशम् अवाप्नोति शान्तिं तत्र प्रयोजयेत् ॥

yadāgnau lakṣaṇaṃ kiṃ cid aśubhaṃ tu pradṛśyate | hotā kleśam avāpnoti śāntiṃ tatra prayojayet ||

Sanskrit only: no published translation is held for this verse.