Atharvavedaparisistas 3

यस्यान्यकुलोपयुक्तः पुरोधाः शान्तिकपौष्टिकप्रायश्चित्तीयाभिचारिकनैमित्तिकोर्ध्वदेहिकान्य् अथर्वविहितानि कर्माणि कुर्यात् स तस्य प्रत्यङ्गिरो भूत्वा हस्त्यश्वरथपदातिकं प्रकृतिमुखेभ्यो ॥।

yasyānyakulopayuktaḥ purodhāḥ śāntikapauṣṭikaprāyaścittīyābhicārikanaimittikordhvadehikāny atharvavihitāni karmāṇi kuryāt sa tasya pratyaṅgiro bhūtvā hastyaśvarathapadātikaṃ prakṛtimukhebhyo ...

Sanskrit only: no published translation is held for this verse.

AVParis 3.1.11

वरिष्यन् न पुनः कुर्याद् अन्यं राजा पुरोहितम् । निर्माल्यम् इव तं राजा नान्यो भूयः समाचरेत् ॥

variṣyan na punaḥ kuryād anyaṃ rājā purohitam | nirmālyam iva taṃ rājā nānyo bhūyaḥ samācaret ||

Sanskrit only: no published translation is held for this verse.

AVParis 3.1.12

स्वजस्रं ह्य् अग्नौ हेतुर् भगवतो व्याधितपतितोन्मत्ताभिशस्तप्रहीणप्रध्वस्तसंप्रसारणम् ऋत्विक् ॥

svajasraṃ hy agnau hetur bhagavato vyādhitapatitonmattābhiśastaprahīṇapradhvastasaṃprasāraṇam ṛtvik ||

Sanskrit only: no published translation is held for this verse.

AVParis 3.1.13

तस्मात् कुलीनं श्रोत्रियं भृग्वङ्गिरोविदं विनयाकृतिशौचाचारयुक्तम् अलोलुपं व्रतनियमचारित्रवृत्तलक्षनगुणसंपन्नं संधिविग्रहचिन्तकं माहेन्द्रजालप्रभृतिकर्मादिष्व् अभिविदकं जितस्थानासनं हिमातपवर्षसहं ह्रीधृतिकम् आर्जवं शमदमदयादानशक्तिसंपन्नं बृहस्पत्युशनसोः स्थानाकृतिप्रमाणं वर्णाश्रुतवपुषा चानुमेयं तेजस्विनं गम्भीरं सत्त्वयुक्तं गुरुं वृणीयाद् भूपतिर् इति ॥

tasmāt kulīnaṃ śrotriyaṃ bhṛgvaṅgirovidaṃ vinayākṛtiśaucācārayuktam alolupaṃ vrataniyamacāritravṛttalakṣanaguṇasaṃpannaṃ saṃdhivigrahacintakaṃ māhendrajālaprabhṛtikarmādiṣv abhividakaṃ jitasthānāsanaṃ himātapavarṣasahaṃ hrīdhṛtikam ārjavaṃ śamadamadayādānaśaktisaṃpannaṃ bṛhaspatyuśanasoḥ sthānākṛtipramāṇaṃ varṇāśrutavapuṣā cānumeyaṃ tejasvinaṃ gambhīraṃ sattvayuktaṃ guruṃ vṛṇīyād bhūpatir iti ||

Sanskrit only: no published translation is held for this verse.

AVParis 3.1.14

मधुपर्काद्येन विधिना यथार्थं संपाद्य दक्षिणां दद्यात्

madhuparkādyena vidhinā yathārthaṃ saṃpādya dakṣiṇāṃ dadyāt

Sanskrit only: no published translation is held for this verse.

AVParis 3.1.15

कोटिमध्यात् तृतीयं भागम्

koṭimadhyāt tṛtīyaṃ bhāgam

Sanskrit only: no published translation is held for this verse.

AVParis 3.1.16

यथाभूमिप्रमाणेन वा

yathābhūmipramāṇena vā

Sanskrit only: no published translation is held for this verse.

AVParis 3.1.17

हस्त्यश्वं नरयानं दिव्यम् आभरणम् आतपत्रं हिरण्यं क्षितिगोधनधान्यरत्नादिकं च गुरवे दद्याद्

hastyaśvaṃ narayānaṃ divyam ābharaṇam ātapatraṃ hiraṇyaṃ kṣitigodhanadhānyaratnādikaṃ ca gurave dadyād

Sanskrit only: no published translation is held for this verse.

AVParis 3.1.18

येन वा परितुष्येत ॥

yena vā parituṣyeta ||

Sanskrit only: no published translation is held for this verse.

AVParis 3.1.19

अभिषेकः संहिताविधौ व्याख्यातः ॥

abhiṣekaḥ saṃhitāvidhau vyākhyātaḥ ||

Sanskrit only: no published translation is held for this verse.

AVParis 3.2.1

हस्त्यश्वं गुरवे दद्यान् नरयानं तथैव च । दिव्यम् आभरणं चैव आतपत्रादिम् एव च ॥

hastyaśvaṃ gurave dadyān narayānaṃ tathaiva ca | divyam ābharaṇaṃ caiva ātapatrādim eva ca ||

Sanskrit only: no published translation is held for this verse.

AVParis 3.2.2

उच्छिष्टार्थं न गृह्णीयान् मङ्गलार्थं महीपतिः । मन्त्रौषध्यो न सिध्यन्ति राजा तत्र विनश्यति ॥

ucchiṣṭārthaṃ na gṛhṇīyān maṅgalārthaṃ mahīpatiḥ | mantrauṣadhyo na sidhyanti rājā tatra vinaśyati ||

Sanskrit only: no published translation is held for this verse.

AVParis 3.2.3

नातिदीर्घं नातिह्रस्वं नातिस्थूलं कृशं तथा । न च हीनातिरिक्ताङ्गं क्व चित् कुर्यात् पुरोहितम् ॥

nātidīrghaṃ nātihrasvaṃ nātisthūlaṃ kṛśaṃ tathā | na ca hīnātiriktāṅgaṃ kva cit kuryāt purohitam ||

Sanskrit only: no published translation is held for this verse.

AVParis 3.2.4

हीनाधिकाङ्गं पतितं विवर्णं स्तेनं जडं क्लीबम् अशक्तियुक्तम् । भिन्नस्वरं काणं विरूपनेत्रं द्वेष्यं च राजा गुरुं नैव कुर्यात् ॥

hīnādhikāṅgaṃ patitaṃ vivarṇaṃ stenaṃ jaḍaṃ klībam aśaktiyuktam | bhinnasvaraṃ kāṇaṃ virūpanetraṃ dveṣyaṃ ca rājā guruṃ naiva kuryāt ||

Sanskrit only: no published translation is held for this verse.

AVParis 3.2.5

हीनाधिकाङ्गे पुरराष्ट्रहानिः काणे जडे वाहनकोशनाशः । स्तेने त्व् अशक्ते च समस्तदोषाः क्लीबे विवर्णे नृपतिर् विनश्येत् ॥

hīnādhikāṅge purarāṣṭrahāniḥ kāṇe jaḍe vāhanakośanāśaḥ | stene tv aśakte ca samastadoṣāḥ klībe vivarṇe nṛpatir vinaśyet ||

Sanskrit only: no published translation is held for this verse.

AVParis 3.3.1

भिन्नस्वरे जायते गात्रभेदो द्वेष्ये गुरौ विप्रतिपत्तिम् आहुः । विवर्णनेत्रे पतिते तु पुत्रान् अध्वर्युणा च निहन्ति पौत्रान् ॥

bhinnasvare jāyate gātrabhedo dveṣye gurau vipratipattim āhuḥ | vivarṇanetre patite tu putrān adhvaryuṇā ca nihanti pautrān ||

Sanskrit only: no published translation is held for this verse.

AVParis 3.3.2

कृष्णे कोशक्षयं विद्याद् रक्ते वाहनसंक्षयः । पिङ्गलः पार्थिवं हन्याद् राष्ट्रं हन्यात् तु केकरः ॥

kṛṣṇe kośakṣayaṃ vidyād rakte vāhanasaṃkṣayaḥ | piṅgalaḥ pārthivaṃ hanyād rāṣṭraṃ hanyāt tu kekaraḥ ||

Sanskrit only: no published translation is held for this verse.

AVParis 3.3.3

बह्वृचं हि नियुञ्ज्याद् यः पौरोहित्ये तु पार्थिवः । स तारपङ्के हस्तीव सह तेनैव मज्जति ॥

bahvṛcaṃ hi niyuñjyād yaḥ paurohitye tu pārthivaḥ | sa tārapaṅke hastīva saha tenaiva majjati ||

Sanskrit only: no published translation is held for this verse.

AVParis 3.3.4

अध्वर्युं हि नियुञ्ज्याद् यः पौरोहित्ये तु पार्थिवः । उत्तितीर्षुर् इवाश्मानम् आदत्ते स्ववधाय सः ॥

adhvaryuṃ hi niyuñjyād yaḥ paurohitye tu pārthivaḥ | uttitīrṣur ivāśmānam ādatte svavadhāya saḥ ||

Sanskrit only: no published translation is held for this verse.

AVParis 3.3.5

वधबन्धपरिक्लेशं कोशवाहनसंक्षयः । करोत्य् एतान्वये ऽवस्थास् तपोयुक्तो ऽपि सामगः ॥

vadhabandhaparikleśaṃ kośavāhanasaṃkṣayaḥ | karoty etānvaye 'vasthās tapoyukto 'pi sāmagaḥ ||

Sanskrit only: no published translation is held for this verse.

AVParis 3.3.6

अन्वयाकृतिसंपन्नं तस्माद् भृग्वङ्गिरोविदम् । गोत्राङ्गिरसवासिष्ठं राजा कुर्यात् पुरोहितम् ॥

anvayākṛtisaṃpannaṃ tasmād bhṛgvaṅgirovidam | gotrāṅgirasavāsiṣṭhaṃ rājā kuryāt purohitam ||

Sanskrit only: no published translation is held for this verse.

AVParis 3.3.7

मखेषु राष्ट्रेषु पुरेषु चैव सेनासु राज्ञां स्वनिवेशनेषु । य उत्पातास् त्रिविधा घोररूपास् तान् सर्वान् शमयेद् ब्रह्मवेदवित् ॥

makheṣu rāṣṭreṣu pureṣu caiva senāsu rājñāṃ svaniveśaneṣu | ya utpātās trividhā ghorarūpās tān sarvān śamayed brahmavedavit ||

Sanskrit only: no published translation is held for this verse.

AVParis 3.3.8

तस्माद् गुरुं वेदरहस्ययुक्तं चतुर्विधे कर्मणि चाप्रमत्तम् । शान्तं च दान्तं च जितेन्द्रियं च कुर्यान् नरेन्द्रः प्रियदर्शनं च ॥ प्रियदर्शनं चेति ॥

tasmād guruṃ vedarahasyayuktaṃ caturvidhe karmaṇi cāpramattam | śāntaṃ ca dāntaṃ ca jitendriyaṃ ca kuryān narendraḥ priyadarśanaṃ ca || priyadarśanaṃ ceti ||

Sanskrit only: no published translation is held for this verse.