ॐ शौनकं तु सुखासीनं गौतमः परिपृच्छति । लक्षहोमस्य यत् पुण्यम् आहुतीनां च देवताः ॥
oṃ śaunakaṃ tu sukhāsīnaṃ gautamaḥ paripṛcchati | lakṣahomasya yat puṇyam āhutīnāṃ ca devatāḥ ||
Sanskrit only: no published translation is held for this verse.
Library·Atharvavedaparisistas·30
Atharvavedaparisistas 30
तस्मै यथावद् आचष्टे शौनको ज्ञानलोचनः । शृणुष्वावहितो भूत्वा लक्षहोमं यथाविधि ॥
tasmai yathāvad ācaṣṭe śaunako jñānalocanaḥ | śṛṇuṣvāvahito bhūtvā lakṣahomaṃ yathāvidhi ||
Sanskrit only: no published translation is held for this verse.
अग्न्यागारस्य या भूमिस् तां प्रवक्ष्याम्य् अशेषतः । शुद्धाक्षारा समा स्निग्धा या च पूर्वोत्तरप्लवा ॥
agnyāgārasya yā bhūmis tāṃ pravakṣyāmy aśeṣataḥ | śuddhākṣārā samā snigdhā yā ca pūrvottaraplavā ||
Sanskrit only: no published translation is held for this verse.
अभस्मास्थ्यङ्गारतूषा प्रशस्ता परिकीर्तिता । प्रमाणं बाहुमात्रं तु जङ्घामात्रं द्विरत्निकम् ॥
abhasmāsthyaṅgāratūṣā praśastā parikīrtitā | pramāṇaṃ bāhumātraṃ tu jaṅghāmātraṃ dviratnikam ||
Sanskrit only: no published translation is held for this verse.
चतुरश्रं चतुष्कोणं तुल्यं सूत्रेण धारयेत् । ब्राह्मणा वेदसंपन्ना ब्रह्मकर्मसमाधयः ॥
caturaśraṃ catuṣkoṇaṃ tulyaṃ sūtreṇa dhārayet | brāhmaṇā vedasaṃpannā brahmakarmasamādhayaḥ ||
Sanskrit only: no published translation is held for this verse.
उपोष्य चैकरात्रं च गायत्र्या अयुतं जपेत् । उपोष्य चैव गायत्र्या जपेयुर् अयुतं बुधाः ॥
upoṣya caikarātraṃ ca gāyatryā ayutaṃ japet | upoṣya caiva gāyatryā japeyur ayutaṃ budhāḥ ||
Sanskrit only: no published translation is held for this verse.
ते शुक्लवाससः स्नाताः स्रग्भिर् गन्धैर् अलंकृताः । निराहारास् तथा दान्ताः संतुष्टाः सजितेन्द्रियाः ॥
te śuklavāsasaḥ snātāḥ sragbhir gandhair alaṃkṛtāḥ | nirāhārās tathā dāntāḥ saṃtuṣṭāḥ sajitendriyāḥ ||
Sanskrit only: no published translation is held for this verse.
कौशम् आसनम् आसीनाः प्रयुञ्ज्युर् होमम् उत्तमम् । उल्लिख्य चाद्भिर् अभ्युक्ष्य संस्कृत्य विधिपूर्वकम् ॥
kauśam āsanam āsīnāḥ prayuñjyur homam uttamam | ullikhya cādbhir abhyukṣya saṃskṛtya vidhipūrvakam ||
Sanskrit only: no published translation is held for this verse.
अग्ने प्रैह्य् अग्निना रयिम् इत्य् उपस्थाप्य पावकम् । कुर्याद् उपसमाधाय समास् त्वाग्ने समाहितः ॥
agne praihy agninā rayim ity upasthāpya pāvakam | kuryād upasamādhāya samās tvāgne samāhitaḥ ||
Sanskrit only: no published translation is held for this verse.
लक्षहोम कुते पूर्णे धेनुं दद्यात् पयस्विनीम् । अनड्वान् काञ्चनं वस्त्रं तुष्येयुर् येन वा द्विजाः ॥
lakṣahoma kute pūrṇe dhenuṃ dadyāt payasvinīm | anaḍvān kāñcanaṃ vastraṃ tuṣyeyur yena vā dvijāḥ ||
Sanskrit only: no published translation is held for this verse.
यवैस् तु विपुलान् भोगान् धान्यैर् आयुष्यम् एव च । तिलैर् हुत्वा तु तेजस्वी आयुः कीर्तिं च वर्धते ॥
yavais tu vipulān bhogān dhānyair āyuṣyam eva ca | tilair hutvā tu tejasvī āyuḥ kīrtiṃ ca vardhate ||
Sanskrit only: no published translation is held for this verse.
आदित्यलोको ऽर्कमयी पालाशी सोम आप्यते । आश्वत्थी विष्णुलोकस्य ब्राह्म औदुम्बरी तथा ॥
ādityaloko 'rkamayī pālāśī soma āpyate | āśvatthī viṣṇulokasya brāhma audumbarī tathā ||
Sanskrit only: no published translation is held for this verse.
अनेनैव विधानेन हूयते ऽत्र हुताशनः । हुत्वैतांश् चतुरो लक्षान् ब्रह्मलोकं स गच्छति ॥
anenaiva vidhānena hūyate 'tra hutāśanaḥ | hutvaitāṃś caturo lakṣān brahmalokaṃ sa gacchati ||
Sanskrit only: no published translation is held for this verse.
यावज् जीवति कर्तासौ तावत् पुत्रान् धनं श्रियम् । पूर्णे काले विमानेन नीयते परमं पदम् ॥
yāvaj jīvati kartāsau tāvat putrān dhanaṃ śriyam | pūrṇe kāle vimānena nīyate paramaṃ padam ||
Sanskrit only: no published translation is held for this verse.