Atharvavedaparisistas 31.1

ॐ देवाश् च ऋषयश् चैव पीड्यमाना महासूरैः । मृत्युना व्याधिभिश् चैव ब्रह्माणम् इदम् अब्रुवन् ॥

oṃ devāś ca ṛṣayaś caiva pīḍyamānā mahāsūraiḥ | mṛtyunā vyādhibhiś caiva brahmāṇam idam abruvan ||

Sanskrit only: no published translation is held for this verse.

कर्मणा केन देवेश मृत्युर् व्याधिश् च जीयते । ऐश्वर्यं प्राप्यते वापि स्थानं च परमं प्रभो ॥

karmaṇā kena deveśa mṛtyur vyādhiś ca jīyate | aiśvaryaṃ prāpyate vāpi sthānaṃ ca paramaṃ prabho ||

Sanskrit only: no published translation is held for this verse.

एवम् उक्तो महातेजा ब्रह्मा लोकपितामहः । प्रत्युवाचेश्वरः सर्वान् विप्रान् देवगणैः सह ॥

evam ukto mahātejā brahmā lokapitāmahaḥ | pratyuvāceśvaraḥ sarvān viprān devagaṇaiḥ saha ||

Sanskrit only: no published translation is held for this verse.

शृणुध्वं प्रयताः सर्वे प्राप्यते येन कर्मणा । ऐश्वर्यम् आयुर् आरोग्यं पुत्रा विजय एव च ॥

śṛṇudhvaṃ prayatāḥ sarve prāpyate yena karmaṇā | aiśvaryam āyur ārogyaṃ putrā vijaya eva ca ||

Sanskrit only: no published translation is held for this verse.

सव्याहृतिं सप्रणवां गायत्रीं शिरसा सह । ये जपन्ति सदा तेभ्यो न भयं विद्यते क्व चित् ॥

savyāhṛtiṃ sapraṇavāṃ gāyatrīṃ śirasā saha | ye japanti sadā tebhyo na bhayaṃ vidyate kva cit ||

Sanskrit only: no published translation is held for this verse.