Atharvavedaparisistas 31.2

तया होमश् च कर्तव्यः सततं सिद्धिम् इच्छता । यवैस् तिलैः समिद्भिश् च व्रीहिभिः सर्षपैस् तथा ॥

tayā homaś ca kartavyaḥ satataṃ siddhim icchatā | yavais tilaiḥ samidbhiś ca vrīhibhiḥ sarṣapais tathā ||

Sanskrit only: no published translation is held for this verse.

अथ चेन् महतीं सिद्धिं प्रार्थयेध्वं सुरोत्तमाः । पुरोधसा कारयध्वं कोटिहोमं महाफलम् ॥

atha cen mahatīṃ siddhiṃ prārthayedhvaṃ surottamāḥ | purodhasā kārayadhvaṃ koṭihomaṃ mahāphalam ||

Sanskrit only: no published translation is held for this verse.

यादृशं कृतवान् पूर्वम् अथर्वा त्र्यम्बकस्य तु । तादृशेन विधानेन कोटिहोमः प्रयुज्यते ॥

yādṛśaṃ kṛtavān pūrvam atharvā tryambakasya tu | tādṛśena vidhānena koṭihomaḥ prayujyate ||

Sanskrit only: no published translation is held for this verse.

महत्त्वं प्रार्थयमानः शर्वो ऽथर्वाणम् अब्रवीत् । कुरुष्व मम तत् कर्म महत्त्वं येन लभ्यते ॥

mahattvaṃ prārthayamānaḥ śarvo 'tharvāṇam abravīt | kuruṣva mama tat karma mahattvaṃ yena labhyate ||

Sanskrit only: no published translation is held for this verse.

ऐश्वर्यम् आयुर् आरोग्यं स्थानं च परमं प्रभो । पुत्रा लक्ष्मीर् यशो मेधा बलं पौरुष्यम् एव च ॥

aiśvaryam āyur ārogyaṃ sthānaṃ ca paramaṃ prabho | putrā lakṣmīr yaśo medhā balaṃ pauruṣyam eva ca ||

Sanskrit only: no published translation is held for this verse.