ततः प्रीतस् तु भगवाञ् शंकरः पर्यपृच्छत । अथर्वाणं महाप्राज्ञं कोटिहोमस्य को विधिः ॥
tataḥ prītas tu bhagavāñ śaṃkaraḥ paryapṛcchata | atharvāṇaṃ mahāprājñaṃ koṭihomasya ko vidhiḥ ||
Sanskrit only: no published translation is held for this verse.
Library·Atharvavedaparisistas·31·31.4
Atharvavedaparisistas 31.4
चतुर्विंशाक्षरं ब्रह्म त्रिपादं लोकधारणम् । सावित्रं तेन होमो ऽयं कृतो मे कोटिसंमितः ॥
caturviṃśākṣaraṃ brahma tripādaṃ lokadhāraṇam | sāvitraṃ tena homo 'yaṃ kṛto me koṭisaṃmitaḥ ||
Sanskrit only: no published translation is held for this verse.
विधिं चास्य प्रवक्ष्यामि सर्वलोकहिताय वै । यत्प्रयोगाद् भवेच् छान्तिर् वृद्धिश् च परमा नृणाम् ॥
vidhiṃ cāsya pravakṣyāmi sarvalokahitāya vai | yatprayogād bhavec chāntir vṛddhiś ca paramā nṛṇām ||
Sanskrit only: no published translation is held for this verse.
उपद्रवेषु भूतानाम् आपत्सु विविधासु च । कोटिहोमः प्रयोक्तव्यः केतूनां दर्शने तथा ॥
upadraveṣu bhūtānām āpatsu vividhāsu ca | koṭihomaḥ prayoktavyaḥ ketūnāṃ darśane tathā ||
Sanskrit only: no published translation is held for this verse.
उपसर्गभये चैव परचक्रभये तथा । अनावृष्टिभये चैव कोटिहोमं प्रयोजयेत् ॥
upasargabhaye caiva paracakrabhaye tathā | anāvṛṣṭibhaye caiva koṭihomaṃ prayojayet ||
Sanskrit only: no published translation is held for this verse.