Atharvavedaparisistas 31.6

ततः प्रभाते बहुश उद्धृत्याग्निं समाहितः । निर्मथ्य हावयेत् तत्र समिधो ब्राह्मणान् बहून् ॥

tataḥ prabhāte bahuśa uddhṛtyāgniṃ samāhitaḥ | nirmathya hāvayet tatra samidho brāhmaṇān bahūn ||

Sanskrit only: no published translation is held for this verse.

शतं सहस्रं कोटिं वा विंशतिर् दश वा द्विजाः । जुहुयुः शान्तवृक्षस्य समिधो घृतसंयुताः ॥

śataṃ sahasraṃ koṭiṃ vā viṃśatir daśa vā dvijāḥ | juhuyuḥ śāntavṛkṣasya samidho ghṛtasaṃyutāḥ ||

Sanskrit only: no published translation is held for this verse.

स्वयं वापि यजेद् ब्रह्मा सवितारं दिनेदिने । पाकयज्ञविधानेन मन्त्रश् चात्र विषासहिम् ॥

svayaṃ vāpi yajed brahmā savitāraṃ dinedine | pākayajñavidhānena mantraś cātra viṣāsahim ||

Sanskrit only: no published translation is held for this verse.

शान्तिकामो यवैः कुर्यात् तिलैः पापापनुत्तये । समिद्भिः सर्वकामस् तु बिल्वैः प्राप्नोति काञ्चनम् ॥

śāntikāmo yavaiḥ kuryāt tilaiḥ pāpāpanuttaye | samidbhiḥ sarvakāmas tu bilvaiḥ prāpnoti kāñcanam ||

Sanskrit only: no published translation is held for this verse.

लभते श्रियम् अग्र्यां तु पद्मैस् तेजो घृतेन तु । दध्ना तु लभते पुत्रान् पयसा ब्रह्मवर्चसम् ॥

labhate śriyam agryāṃ tu padmais tejo ghṛtena tu | dadhnā tu labhate putrān payasā brahmavarcasam ||

Sanskrit only: no published translation is held for this verse.