ॐ नमो ऽथर्ववेदाय ॥
oṃ namo 'tharvavedāya ||
Sanskrit only: no published translation is held for this verse.
Library·Atharvavedaparisistas·34·34.1
Atharvavedaparisistas 34.1
अक्षरानि विलोमानि न स्वरं प्रतिलोमयेत् । प्रत्यारम्भनिघातेषु स्थानान्य् अन्यानि निर्दिशेत् ॥
akṣarāni vilomāni na svaraṃ pratilomayet | pratyārambhanighāteṣu sthānāny anyāni nirdiśet ||
Sanskrit only: no published translation is held for this verse.
यकारस् तु तकारान्तो अन्त्यस्वरितसंज्ञितः । स तूदात्तः स एवादौ दकारः शिष्यते गुरुः ॥
yakāras tu takārānto antyasvaritasaṃjñitaḥ | sa tūdāttaḥ sa evādau dakāraḥ śiṣyate guruḥ ||
Sanskrit only: no published translation is held for this verse.
दकारात् स्वर्यते नीचम् उपोदात्ते प्र योजयेत् । अन्यानि तु यथापूर्वम् उदात्तप्रचितानि तु ॥
dakārāt svaryate nīcam upodātte pra yojayet | anyāni tu yathāpūrvam udāttapracitāni tu ||
Sanskrit only: no published translation is held for this verse.
प्रथमो ऽष्टाक्षरो ऽर्धर्चो द्वितीयः षोडशाक्षरः । आदाव् अन्ते च विज्ञेया व्याहृतिश् चाप्य् अथर्वणाम् ॥
prathamo 'ṣṭākṣaro 'rdharco dvitīyaḥ ṣoḍaśākṣaraḥ | ādāv ante ca vijñeyā vyāhṛtiś cāpy atharvaṇām ||
Sanskrit only: no published translation is held for this verse.
रक्तवर्णा विलोमा च यमेन परिकीर्तिता । सर्वशत्रुविनाशाय सर्वकर्मार्थसिद्धये ॥
raktavarṇā vilomā ca yamena parikīrtitā | sarvaśatruvināśāya sarvakarmārthasiddhaye ||
Sanskrit only: no published translation is held for this verse.
मृत्युश् च देवता चास्या निछन्नं छन्द उच्यते । स्वाहाकारे तु फट्कारः कोटिहोमे विधिः स्मृतः ॥
mṛtyuś ca devatā cāsyā nichannaṃ chanda ucyate | svāhākāre tu phaṭkāraḥ koṭihome vidhiḥ smṛtaḥ ||
Sanskrit only: no published translation is held for this verse.
अनुलोमां विलोमां वा गायत्रीं यः पठेत् सदा । सर्वार्थास् तस्य सिध्यन्ति न चानर्थान् समश्नुते ॥
anulomāṃ vilomāṃ vā gāyatrīṃ yaḥ paṭhet sadā | sarvārthās tasya sidhyanti na cānarthān samaśnute ||
Sanskrit only: no published translation is held for this verse.
त् या द चो प्र नः यो यो धि ॥ हि म धी स्य व दे र्गो भ यम् णी रे र्व तु वि त्स त त् ॥
t yā da co pra naḥ yo yo dhi || hi ma dhī sya va de rgo bha yam ṇī re rva tu vi tsa ta t ||
Sanskrit only: no published translation is held for this verse.