Atharvavedaparisistas 35.1

ॐ कटुके कटुकपत्त्रे सुभगे आसुरि रक्ते रक्तवाससे । अथर्वणस्य दुहिते अघोरे अघोरकर्मकारिके ॥

oṃ kaṭuke kaṭukapattre subhage āsuri rakte raktavāsase | atharvaṇasya duhite aghore aghorakarmakārike ||

Sanskrit only: no published translation is held for this verse.

अमुकं हनहन दहदह पचपच मथमथ । तावद् दह तावत् पच यावन् मे वशम् आनयसि स्वाहा ॥

amukaṃ hanahana dahadaha pacapaca mathamatha | tāvad daha tāvat paca yāvan me vaśam ānayasi svāhā ||

Sanskrit only: no published translation is held for this verse.

शय्यावस्थितायास् तावज् जपेद् यावत् स्वपिति ॥ प्रस्थिताया गतिं दह स्वाहा ॥ उपविष्टाया भगं दह स्वाहा ॥ सुप्ताया मनो दह स्वाहा प्रबुद्धाया गृदयं दह स्वाहेति ॥

śayyāvasthitāyās tāvaj japed yāvat svapiti || prasthitāyā gatiṃ daha svāhā || upaviṣṭāyā bhagaṃ daha svāhā || suptāyā mano daha svāhā prabuddhāyā gṛdayaṃ daha svāheti ||

Sanskrit only: no published translation is held for this verse.

अथात आसुरीकल्पम् उपदेशाद् अथर्वणः । नास्यास् तिथिर् न नक्षत्रं नोपवासो विधीयते ॥

athāta āsurīkalpam upadeśād atharvaṇaḥ | nāsyās tithir na nakṣatraṃ nopavāso vidhīyate ||

Sanskrit only: no published translation is held for this verse.

घृतादिद्रव्यसर्वेषु आसुरी शतजापिता । पत्त्राद्यवयवश् चास्या जिकैषा चानुयायिनी ॥

ghṛtādidravyasarveṣu āsurī śatajāpitā | pattrādyavayavaś cāsyā jikaiṣā cānuyāyinī ||

Sanskrit only: no published translation is held for this verse.

हन्तुकामो हि शत्रूंश् च वशीकुर्वंश् च भूपतीन् । आसुरीश्लक्ष्णपिष्टाज्यं जुहुयाद् आकृतिं बुधः ॥

hantukāmo hi śatrūṃś ca vaśīkurvaṃś ca bhūpatīn | āsurīślakṣṇapiṣṭājyaṃ juhuyād ākṛtiṃ budhaḥ ||

Sanskrit only: no published translation is held for this verse.

अर्केन्धनाग्निं प्रज्वाल्य छित्त्वास्त्रेणाकृतिं तु ताम् । पादाग्रतो ऽष्टसहस्रं जुहुयाद् यस्य वश्य् असौ ॥

arkendhanāgniṃ prajvālya chittvāstreṇākṛtiṃ tu tām | pādāgrato 'ṣṭasahasraṃ juhuyād yasya vaśy asau ||

Sanskrit only: no published translation is held for this verse.

घृताक्तया स्त्री वशिनी पालाशाग्नौ द्विजोत्तमाः । गुडाक्तया क्षत्रियास् तु वैश्यास् तु दधिमिश्रया ॥

ghṛtāktayā strī vaśinī pālāśāgnau dvijottamāḥ | guḍāktayā kṣatriyās tu vaiśyās tu dadhimiśrayā ||

Sanskrit only: no published translation is held for this verse.

शूद्रास् तु लवणमिश्रै राजिकां पिष्टयेद् बुधः । आ सप्ताहात् सर्व एते आसुरीहोमतो वशाः ॥

śūdrās tu lavaṇamiśrai rājikāṃ piṣṭayed budhaḥ | ā saptāhāt sarva ete āsurīhomato vaśāḥ ||

Sanskrit only: no published translation is held for this verse.

कटुतैलेन त्रिसंध्यं कुलोच्छेदं करोति हि । शुनां तु लोमभिः सार्धम् अपस्मारी त्रिभिर् दिनैः ॥

kaṭutailena trisaṃdhyaṃ kulocchedaṃ karoti hi | śunāṃ tu lomabhiḥ sārdham apasmārī tribhir dinaiḥ ||

Sanskrit only: no published translation is held for this verse.

निवृत्तिः क्षीरमध्वाज्यैर् लवणेन तु सज्वरी । अर्कैधःसमिदग्नौ तु कार्यो विस्फोटसंभवः ॥

nivṛttiḥ kṣīramadhvājyair lavaṇena tu sajvarī | arkaidhaḥsamidagnau tu kāryo visphoṭasaṃbhavaḥ ||

Sanskrit only: no published translation is held for this verse.

तेषाम् उपशमं विद्यात् सुराश्वर्या घृतेन च । अर्कक्षीराक्तयाऋकाग्नाव् अक्षिणी स्फोटयेद् द्विषः ॥

teṣām upaśamaṃ vidyāt surāśvaryā ghṛtena ca | arkakṣīrāktayāṛkāgnāv akṣiṇī sphoṭayed dviṣaḥ ||

Sanskrit only: no published translation is held for this verse.

गतासुमांसं तस्यैव निर्माल्यं चितिभस्म च । एषां चूर्णेन संस्पृष्टो हास्यशीलो ऽभिजायते ॥

gatāsumāṃsaṃ tasyaiva nirmālyaṃ citibhasma ca | eṣāṃ cūrṇena saṃspṛṣṭo hāsyaśīlo 'bhijāyate ||

Sanskrit only: no published translation is held for this verse.

अजाक्षीराक्तया होमात् तस्य मोक्षो विधीयते । तगरं कुष्ठमांसी च तस्याः पत्त्राणि चैव हि ॥

ajākṣīrāktayā homāt tasya mokṣo vidhīyate | tagaraṃ kuṣṭhamāṃsī ca tasyāḥ pattrāṇi caiva hi ||

Sanskrit only: no published translation is held for this verse.

एतैः श्लक्ष्णैस् तु संस्पृष्टः पृष्ठतः परिधावति । तस्याः फलानि मूलानि सुरभीहस्तिमेदसा ॥

etaiḥ ślakṣṇais tu saṃspṛṣṭaḥ pṛṣṭhataḥ paridhāvati | tasyāḥ phalāni mūlāni surabhīhastimedasā ||

Sanskrit only: no published translation is held for this verse.

सूक्ष्मात् तद्द्रव्यसंस्पर्शाद् अनुधावत्य् अचेतसः । अछिद्रपत्त्राण्य् असित उशीरः सर्षपास् तथा ॥

sūkṣmāt taddravyasaṃsparśād anudhāvaty acetasaḥ | achidrapattrāṇy asita uśīraḥ sarṣapās tathā ||

Sanskrit only: no published translation is held for this verse.

एतच्शूर्णात् पूर्वफलं घृते चैवापराजयः ॥

etacśūrṇāt pūrvaphalaṃ ghṛte caivāparājayaḥ ||

Sanskrit only: no published translation is held for this verse.