कुसुमानि मनह्शिलाप्रियङ्गुतगराणि च । गजेन्द्रमदसंयुक्तं किं कुर्वाणस् त्व् अकृद् वरम् ॥
kusumāni manahśilāpriyaṅgutagarāṇi ca | gajendramadasaṃyuktaṃ kiṃ kurvāṇas tv akṛd varam ||
Sanskrit only: no published translation is held for this verse.
Library·Atharvavedaparisistas·35·35.2
Atharvavedaparisistas 35.2
याश् च स्त्रियो ऽभिगच्छन्ति ता वशाः पदालेपतः । सपुष्पां तां समादाय अञ्जनं नागकेशरम् ॥
yāś ca striyo 'bhigacchanti tā vaśāḥ padālepataḥ | sapuṣpāṃ tāṃ samādāya añjanaṃ nāgakeśaram ||
Sanskrit only: no published translation is held for this verse.
अनेनाक्ताभ्याम् अक्षिभ्यां यम्यं पश्येत् स किंकरः । अञ्जनं तगरं कुष्ठं देवीजं काष्ठम् एव च ॥
anenāktābhyām akṣibhyāṃ yamyaṃ paśyet sa kiṃkaraḥ | añjanaṃ tagaraṃ kuṣṭhaṃ devījaṃ kāṣṭham eva ca ||
Sanskrit only: no published translation is held for this verse.
माण्सी च सर्वभूतानां सौभाग्यस्य तु कारणम् । तत्समिधां लक्षहोमान् निधानं पश्यते महत् ॥
māṇsī ca sarvabhūtānāṃ saubhāgyasya tu kāraṇam | tatsamidhāṃ lakṣahomān nidhānaṃ paśyate mahat ||
Sanskrit only: no published translation is held for this verse.
सर्पिर्दधिमध्वक्तपत्त्राणां वृद्धपुत्री सहस्रतः । राज्यं तु लभते वश्यं तत्पत्त्रत्रिसहस्रतः ॥
sarpirdadhimadhvaktapattrāṇāṃ vṛddhaputrī sahasrataḥ | rājyaṃ tu labhate vaśyaṃ tatpattratrisahasrataḥ ||
Sanskrit only: no published translation is held for this verse.
स्वर्णसहस्रस्याप्तिस् तु तत्पुष्पाणां तु लक्षतः । सहस्रजापाच् च तद्वद् उदके क्षीरभक्षिणः ॥
svarṇasahasrasyāptis tu tatpuṣpāṇāṃ tu lakṣataḥ | sahasrajāpāc ca tadvad udake kṣīrabhakṣiṇaḥ ||
Sanskrit only: no published translation is held for this verse.
वारिपूर्णे ऽथ कलशे लोकेशीपल्लवान् क्षिपेत् । स्नानाद् अलक्ष्म्या मुच्येत सौवर्णकलशे ऽपि तु ॥
vāripūrṇe 'tha kalaśe lokeśīpallavān kṣipet | snānād alakṣmyā mucyeta sauvarṇakalaśe 'pi tu ||
Sanskrit only: no published translation is held for this verse.
विनायकेभ्यः स्नानतो दौर्भाग्याच् चैव दुर्भगात् । पृष्ठतश् चानुधावन्ति संस्पृष्ट उदकेन तु ॥
vināyakebhyaḥ snānato daurbhāgyāc caiva durbhagāt | pṛṣṭhataś cānudhāvanti saṃspṛṣṭa udakena tu ||
Sanskrit only: no published translation is held for this verse.
उशीरं तगरं कुष्ठं मुस्ता तत्पत्त्रसर्षपाः । चूर्णेनाभिहतस् तूर्णम् ईश्वरो ऽपि वशो भवेत् ॥
uśīraṃ tagaraṃ kuṣṭhaṃ mustā tatpattrasarṣapāḥ | cūrṇenābhihatas tūrṇam īśvaro 'pi vaśo bhavet ||
Sanskrit only: no published translation is held for this verse.
तुलसीभूमहादेवीचूर्णस्पृष्टस् तथा वशी । राजाभयं सुरेश्वरीमार्जनाद् भारणात् तथा ॥
tulasībhūmahādevīcūrṇaspṛṣṭas tathā vaśī | rājābhayaṃ sureśvarīmārjanād bhāraṇāt tathā ||
Sanskrit only: no published translation is held for this verse.
न स्यात् तस्याद्भुतं किं चिन् न क्षुद्रोपद्रवस् तथा । नानैश्वर्यं नाप्रजत्वं यस्य देव्य् आसुरी गृहे ॥
na syāt tasyādbhutaṃ kiṃ cin na kṣudropadravas tathā | nānaiśvaryaṃ nāprajatvaṃ yasya devy āsurī gṛhe ||
Sanskrit only: no published translation is held for this verse.