एषाम् उच्छुष्मरुद्राणाम् अतः कल्पो निगद्यते । अथर्ववेदोद्भवानां तिथ्यृक्षाद्ययोगतः ॥
eṣām ucchuṣmarudrāṇām ataḥ kalpo nigadyate | atharvavedodbhavānāṃ tithyṛkṣādyayogataḥ ||
Sanskrit only: no published translation is held for this verse.
Library·Atharvavedaparisistas·36·36.2
Atharvavedaparisistas 36.2
ग्रामे वाथाप्य् अरण्ये वा प्रचरेत यथाविधि । सद्यःसिद्धिकरा ह्य् एते उच्छुष्माः परिकीर्तिताः ॥
grāme vāthāpy araṇye vā pracareta yathāvidhi | sadyaḥsiddhikarā hy ete ucchuṣmāḥ parikīrtitāḥ ||
Sanskrit only: no published translation is held for this verse.
आत्मरक्षां दिशां बन्धं शिखाबन्धं च सर्वदा । एतैर् एव यथायोगम् आदौ कुर्याद् विचक्षणः ॥
ātmarakṣāṃ diśāṃ bandhaṃ śikhābandhaṃ ca sarvadā | etair eva yathāyogam ādau kuryād vicakṣaṇaḥ ||
Sanskrit only: no published translation is held for this verse.
खदिरस्योदुम्बरस्य तथा बिल्वपलाशयोः । दधिसर्पिर्मधुयुजां शान्तानां वापि बिल्वतः ॥
khadirasyodumbarasya tathā bilvapalāśayoḥ | dadhisarpirmadhuyujāṃ śāntānāṃ vāpi bilvataḥ ||
Sanskrit only: no published translation is held for this verse.
समित्सहस्रत्रितयं हुत्वा शान्तिर् गवां भवेत् । तीक्ष्णासृग्विषयुक्तानां फट्कारश् च विनाशने ॥
samitsahasratritayaṃ hutvā śāntir gavāṃ bhavet | tīkṣṇāsṛgviṣayuktānāṃ phaṭkāraś ca vināśane ||
Sanskrit only: no published translation is held for this verse.
प्रयोगाद् अप्य् असिद्धिश् चेत् तत्कर्मेदं समारभेत् । उच्छुष्मरूपी भक्षयंस् तीक्ष्णः सक्तूदकानि तु ॥
prayogād apy asiddhiś cet tatkarmedaṃ samārabhet | ucchuṣmarūpī bhakṣayaṃs tīkṣṇaḥ saktūdakāni tu ||
Sanskrit only: no published translation is held for this verse.