Atharvavedaparisistas 38

ॐ ब्रह्मकूर्चविधिं पुण्यं संक्षेपाद् वच्म्य् असंशयम् । पावनानां परं यो हि पावनं तपसां तपः ॥

oṃ brahmakūrcavidhiṃ puṇyaṃ saṃkṣepād vacmy asaṃśayam | pāvanānāṃ paraṃ yo hi pāvanaṃ tapasāṃ tapaḥ ||

Sanskrit only: no published translation is held for this verse.

स्नात्वा शुचिः शुचौ देशे गोमयेनावसेचिते । वस्त्रेण संहिते चापि सितपुष्पैः प्रपूजिते ॥

snātvā śuciḥ śucau deśe gomayenāvasecite | vastreṇa saṃhite cāpi sitapuṣpaiḥ prapūjite ||

Sanskrit only: no published translation is held for this verse.

अहोरात्रोसितः क्षान्तः पवित्रात्मा प्रपावनः । शुक्लवासाः सुगन्धिः प्राग् उपविष्टः कुशासने ॥

ahorātrositaḥ kṣāntaḥ pavitrātmā prapāvanaḥ | śuklavāsāḥ sugandhiḥ prāg upaviṣṭaḥ kuśāsane ||

Sanskrit only: no published translation is held for this verse.

गोमूत्रं गोमयं क्षीरं दधि सर्पिः कुशोदकम् । आहरेत् ताम्रपात्रे तु शकृन् मूत्रं त्व् अभूगतम् ॥

gomūtraṃ gomayaṃ kṣīraṃ dadhi sarpiḥ kuśodakam | āharet tāmrapātre tu śakṛn mūtraṃ tv abhūgatam ||

Sanskrit only: no published translation is held for this verse.

गोमूत्रं नीलवर्णायाः कृष्णाया गोमयं तथा । पयस् तु ताम्रवर्णायाः श्वेताय आहरेद् दधि ॥

gomūtraṃ nīlavarṇāyāḥ kṛṣṇāyā gomayaṃ tathā | payas tu tāmravarṇāyāḥ śvetāya āhared dadhi ||

Sanskrit only: no published translation is held for this verse.

कपिलाया घृतं ग्राह्यम् अलाभे स्यात् तु पञ्चमम् ॥

kapilāyā ghṛtaṃ grāhyam alābhe syāt tu pañcamam ||

Sanskrit only: no published translation is held for this verse.

गोमूत्रैकपलं दद्याद् अङ्गुष्ठाग्रं तु गोमयम् । क्षीरस्य सप्त दध्नस् तु त्रीण्य् एकैकं घृताम्भसोः ॥

gomūtraikapalaṃ dadyād aṅguṣṭhāgraṃ tu gomayam | kṣīrasya sapta dadhnas tu trīṇy ekaikaṃ ghṛtāmbhasoḥ ||

Sanskrit only: no published translation is held for this verse.

गायत्र्याहृत्य गोमूत्रं गन्धद्वारेति गोमयम् । आ प्यायस्वेति च क्षीरं दधिक्राव्णेति वै दधि ॥

gāyatryāhṛtya gomūtraṃ gandhadvāreti gomayam | ā pyāyasveti ca kṣīraṃ dadhikrāvṇeti vai dadhi ||

Sanskrit only: no published translation is held for this verse.

तेजो ऽसि शुक्रम् इत्य् अज्यं देवस्य त्वा कुशोदकम् । सप्तपत्त्रास् तु ये दर्भा अछिन्नाग्राः समायुताः ॥

tejo 'si śukram ity ajyaṃ devasya tvā kuśodakam | saptapattrās tu ye darbhā achinnāgrāḥ samāyutāḥ ||

Sanskrit only: no published translation is held for this verse.

तैः समुद्धृत्य होतव्यं देवताभ्यो यथाकर्मम् । अग्नये स्वाहा सोमाय प्रजापतय इत्य् अपि ॥

taiḥ samuddhṛtya hotavyaṃ devatābhyo yathākarmam | agnaye svāhā somāya prajāpataya ity api ||

Sanskrit only: no published translation is held for this verse.

बृहस्पते अति यद् इदं विष्णुर् इतीति च । मानस्तोकेन गायत्र्या एतैश् च जुहुयात् ततः ॥

bṛhaspate ati yad idaṃ viṣṇur itīti ca | mānastokena gāyatryā etaiś ca juhuyāt tataḥ ||

Sanskrit only: no published translation is held for this verse.

प्रणवेन प्रणवेनैव पिबेच् च प्रणवेन तु । होतव्यं प्रणवेनैव पिबेच् च प्रणवेन तु ॥

praṇavena praṇavenaiva pibec ca praṇavena tu | hotavyaṃ praṇavenaiva pibec ca praṇavena tu ||

Sanskrit only: no published translation is held for this verse.

मध्यमेन पलाशस्य पद्मपत्त्रेण वा पिबेत् । अपि वा ताम्रपात्रेण हुतशेषं विशुद्धये ॥

madhyamena palāśasya padmapattreṇa vā pibet | api vā tāmrapātreṇa hutaśeṣaṃ viśuddhaye ||

Sanskrit only: no published translation is held for this verse.

यत् त्वगस्थिगतं पापं देहे तिष्ठति देहिनाम् । ब्रह्मकूर्चो दहेत् सर्वं प्रदीप्तो ऽग्निर् इवेन्धनम् ॥

yat tvagasthigataṃ pāpaṃ dehe tiṣṭhati dehinām | brahmakūrco dahet sarvaṃ pradīpto 'gnir ivendhanam ||

Sanskrit only: no published translation is held for this verse.

त्रयोदश्यादिचतुर्षु त्रिःस्नानाक्षारभोजनम् । पञ्चदश्यां पञ्चगव्यं सोपवासं महाफलम् ॥

trayodaśyādicaturṣu triḥsnānākṣārabhojanam | pañcadaśyāṃ pañcagavyaṃ sopavāsaṃ mahāphalam ||

Sanskrit only: no published translation is held for this verse.

अभोज्याभक्ष्यशूद्रान्नभक्षणे वेदविक्रये । प्रतिग्रहे कालमन्त्रहीने होमे द्युमैथुने ॥

abhojyābhakṣyaśūdrānnabhakṣaṇe vedavikraye | pratigrahe kālamantrahīne home dyumaithune ||

Sanskrit only: no published translation is held for this verse.

बालत्वे यत् कृतं चैव युवा वृद्धवयास् तथा । मातापितृकृतं चैव तत् क्षणाद् एव निर्दहेत् ॥

bālatve yat kṛtaṃ caiva yuvā vṛddhavayās tathā | mātāpitṛkṛtaṃ caiva tat kṣaṇād eva nirdahet ||

Sanskrit only: no published translation is held for this verse.

मासेमासे प्रयुञ्जानोदेवलोकम् अवाप्नुयात् । अर्धमासेअर्धमासे च ऋषीणां लोकम् उत्तमम् ॥

māsemāse prayuñjānodevalokam avāpnuyāt | ardhamāseardhamāse ca ṛṣīṇāṃ lokam uttamam ||

Sanskrit only: no published translation is held for this verse.

षड्रात्रे चैव षड्रात्रे ब्रह्मलोकम् अनामयम् । अहरहः प्रयुञ्जानः परं ब्रह्माधिगच्छति ॥

ṣaḍrātre caiva ṣaḍrātre brahmalokam anāmayam | aharahaḥ prayuñjānaḥ paraṃ brahmādhigacchati ||

Sanskrit only: no published translation is held for this verse.

अनेन विधिनैवेष्ट्वा देवतर्पणपूर्वकम् । ब्रह्मणा निर्मितं ह्य् एतत् पवित्रं परमं हितम् ॥

anena vidhinaiveṣṭvā devatarpaṇapūrvakam | brahmaṇā nirmitaṃ hy etat pavitraṃ paramaṃ hitam ||

Sanskrit only: no published translation is held for this verse.