Atharvavedaparisistas 39.1

ॐ पिप्पलादं महाप्राज्ञम् इदम् ऊचुर् महर्षयः । भूमिखातस्य शुद्ध्यर्थं विधिं प्रब्रूहि तत्त्वतः ॥

oṃ pippalādaṃ mahāprājñam idam ūcur maharṣayaḥ | bhūmikhātasya śuddhyarthaṃ vidhiṃ prabrūhi tattvataḥ ||

Sanskrit only: no published translation is held for this verse.

कूपवापीतडागेषु पुष्करिण्यां च वेश्मसु । अहोरात्रोषितो भूत्वा ततः कर्म समारभेत् ॥

kūpavāpītaḍāgeṣu puṣkariṇyāṃ ca veśmasu | ahorātroṣito bhūtvā tataḥ karma samārabhet ||

Sanskrit only: no published translation is held for this verse.

शान्त्युदकेन तद् ब्रह्मा पूर्वोक्तं यद् अगस्तिना । परि प्रागाद् इति द्वाभ्याम् अभिमन्त्रयते ततः ॥

śāntyudakena tad brahmā pūrvoktaṃ yad agastinā | pari prāgād iti dvābhyām abhimantrayate tataḥ ||

Sanskrit only: no published translation is held for this verse.

चरुतन्त्रेण विधिना चरुं भौमं तु निर्वपेत् । प्राक्तन्त्रम् आज्यभागान्तं सत्यं बृहद् इति स्मृतम् ॥

carutantreṇa vidhinā caruṃ bhaumaṃ tu nirvapet | prāktantram ājyabhāgāntaṃ satyaṃ bṛhad iti smṛtam ||

Sanskrit only: no published translation is held for this verse.

हविर् आज्यं समिधश् च उपस्थानं यथाक्रमम् । कूपादीनां समीपे तु जपेन् मन्त्रान् समाहितः ॥

havir ājyaṃ samidhaś ca upasthānaṃ yathākramam | kūpādīnāṃ samīpe tu japen mantrān samāhitaḥ ||

Sanskrit only: no published translation is held for this verse.

अम्बयो यन्त्य् आपो हि ष्ठा शं नो देवीर् इति त्रयम् । हिरण्यवर्णाः पुनन्तु मा सस्रुषीर् हिमवतो ऽप्सु ते ॥

ambayo yanty āpo hi ṣṭhā śaṃ no devīr iti trayam | hiraṇyavarṇāḥ punantu mā sasruṣīr himavato 'psu te ||

Sanskrit only: no published translation is held for this verse.

जप्त्वा तु धेनुम् आनीतां पिबन्तीम् अनुमन्त्रयेत् । आ गाव इति सूक्तेन तारयेत् तु तथैव गाम् ॥

japtvā tu dhenum ānītāṃ pibantīm anumantrayet | ā gāva iti sūktena tārayet tu tathaiva gām ||

Sanskrit only: no published translation is held for this verse.

कूपवापीतडागानां समीपे चाभिमन्त्रयेत् । उप ह्वये सूयवसात् कर्त्रे दद्यात् तु गां शुभाम् ॥

kūpavāpītaḍāgānāṃ samīpe cābhimantrayet | upa hvaye sūyavasāt kartre dadyāt tu gāṃ śubhām ||

Sanskrit only: no published translation is held for this verse.

कामसूक्तेन गृह्णीयात् कर्म संस्थापयेत् ततः । हिरण्यरजतादीनां मत्स्यादीन् कारयेद् बुधः ॥

kāmasūktena gṛhṇīyāt karma saṃsthāpayet tataḥ | hiraṇyarajatādīnāṃ matsyādīn kārayed budhaḥ ||

Sanskrit only: no published translation is held for this verse.

सौवर्णौ कूर्ममकरौ राजतौ मत्स्यमुद्गरौ । ताम्रौ कुलीरकर्कटाव् आयसः शिशुमारकः ॥

sauvarṇau kūrmamakarau rājatau matsyamudgarau | tāmrau kulīrakarkaṭāv āyasaḥ śiśumārakaḥ ||

Sanskrit only: no published translation is held for this verse.

शान्त्युदकं पञ्चगव्यं तस्मिन्न् एव जले क्षिपेत् । कर्तृदातारौ स्नायेतां द्रुपदाद् इव शुम्भनी ॥

śāntyudakaṃ pañcagavyaṃ tasminn eva jale kṣipet | kartṛdātārau snāyetāṃ drupadād iva śumbhanī ||

Sanskrit only: no published translation is held for this verse.

ब्राह्मणान् भोजयित्वा तु पुण्याहं वाचयेत् ततः । सम्यग् विधानम् एतद् धि कूपादेः संप्रकीर्तितम् । पुण्यं कर्म द्विजातीनां स्वर्गस्याक्षय्यम् इच्छताम् ॥

brāhmaṇān bhojayitvā tu puṇyāhaṃ vācayet tataḥ | samyag vidhānam etad dhi kūpādeḥ saṃprakīrtitam | puṇyaṃ karma dvijātīnāṃ svargasyākṣayyam icchatām ||

Sanskrit only: no published translation is held for this verse.