गोचर्ममात्रं स्थण्डिलम् उपलिप्य गोमयेनोल्लिख्याभ्युक्ष्याग्ने प्रेहीत्य् अग्निं प्रणीयोपसमाधाय परिस्तीर्य ब्रह्माणं कल्पयित्वा नान्यदेवतादिशि रुद्रस्य दक्षिणोदपात्रं स्थापयित्वा महाव्याहृतिभिर् अग्न्यायतने निधाय रुद्रम् आवाहयति ॥
gocarmamātraṃ sthaṇḍilam upalipya gomayenollikhyābhyukṣyāgne prehīty agniṃ praṇīyopasamādhāya paristīrya brahmāṇaṃ kalpayitvā nānyadevatādiśi rudrasya dakṣiṇodapātraṃ sthāpayitvā mahāvyāhṛtibhir agnyāyatane nidhāya rudram āvāhayati ||
Sanskrit only: no published translation is held for this verse.
रुद्रं क्रुद्धाशनिमुखं देवानाम् ईश्वरं परम् । श्वेतपिङ्गलं देवानाम् <महादेवम्> प्रपद्ये शरणागतः ॥
rudraṃ kruddhāśanimukhaṃ devānām īśvaraṃ param | śvetapiṅgalaṃ devānām <mahādevam> prapadye śaraṇāgataḥ ||
Sanskrit only: no published translation is held for this verse.
यस्य युक्ता रथे सिंहा व्याघ्राश् च विषमाननाः । तम् अहं पौण्डरीकाक्षं देवम् आवाहये शिवम् इत्य् आवाह्याभ्यर्च्य ॥
yasya yuktā rathe siṃhā vyāghrāś ca viṣamānanāḥ | tam ahaṃ pauṇḍarīkākṣaṃ devam āvāhaye śivam ity āvāhyābhyarcya ||
Sanskrit only: no published translation is held for this verse.
न तं यक्ष्मैतु देव इति गुग्गुलुं धूपं च दद्यात् ॥
na taṃ yakṣmaitu deva iti gugguluṃ dhūpaṃ ca dadyāt ||
Sanskrit only: no published translation is held for this verse.
तत् पुरुषाय विद्महे महादेवाय धीमहि । तन् नो रुद्रः प्रचोदयात् ॥
tat puruṣāya vidmahe mahādevāya dhīmahi | tan no rudraḥ pracodayāt ||
Sanskrit only: no published translation is held for this verse.
तस्मै देवाय विद्महे महादेवाय धीमहि । तन् नो रुद्रो ऽनुमन्यताम् ॥ इति रुद्रसावित्रीं जप्त्वा ॥
tasmai devāya vidmahe mahādevāya dhīmahi | tan no rudro 'numanyatām || iti rudrasāvitrīṃ japtvā ||
Sanskrit only: no published translation is held for this verse.
यो अग्नौ रुद्र इत्य् अनुमन्त्रयेन् नमो अस्तु यावद् आवाहने देवदेवस्यावाहयाम्य् अहम् इति ॥
yo agnau rudra ity anumantrayen namo astu yāvad āvāhane devadevasyāvāhayāmy aham iti ||
Sanskrit only: no published translation is held for this verse.
प्रमर्दने सर्वासुरविनाशाय ॐ फट्कारं करोति ॥
pramardane sarvāsuravināśāya oṃ phaṭkāraṃ karoti ||
Sanskrit only: no published translation is held for this verse.
निवेदने ऽहम् अमुकं निवेदयामीति जटी मुण्डी पञ्चशिखी वा ॥
nivedane 'ham amukaṃ nivedayāmīti jaṭī muṇḍī pañcaśikhī vā ||
Sanskrit only: no published translation is held for this verse.