Library·Atharvavedaparisistas·40·40.5
भूतिस् तु पिङ्गलो बभ्रुर् भूतिर् विष्णुः सनातनः । भूतिर् ब्रह्मा महेन्द्रश् च भूतिर् देवाः सह र्षिभिः ॥
bhūtis tu piṅgalo babhrur bhūtir viṣṇuḥ sanātanaḥ | bhūtir brahmā mahendraś ca bhūtir devāḥ saha rṣibhiḥ ||
Sanskrit only: no published translation is held for this verse.
भूतिर् मे ऽलक्ष्मीं निर्णुदेद् भूतिर् मे श्रियम् आवहेत् । भूतिर् म आयुषा वित्तं वर्चो ब्रह्म प्रयच्छतु ॥
bhūtir me 'lakṣmīṃ nirṇuded bhūtir me śriyam āvahet | bhūtir ma āyuṣā vittaṃ varco brahma prayacchatu ||
Sanskrit only: no published translation is held for this verse.
भस्मना चरन्तो नित्यं ध्यायिनः परिचिन्तकाः । यान्ति पाशुपतं स्थानं पुनरावृत्तिदुर्लभम् ॥
bhasmanā caranto nityaṃ dhyāyinaḥ paricintakāḥ | yānti pāśupataṃ sthānaṃ punarāvṛttidurlabham ||
Sanskrit only: no published translation is held for this verse.
वाचा तु यत् कृतं कर्म मनसा च विचिन्तितम् । अलक्ष्मीश् चापद् दुःस्वप्नं भस्मना तत् प्रणश्यतु ॥
vācā tu yat kṛtaṃ karma manasā ca vicintitam | alakṣmīś cāpad duḥsvapnaṃ bhasmanā tat praṇaśyatu ||
Sanskrit only: no published translation is held for this verse.
मोक्षणं मोक्षकाले च भस्मशेषं विसर्जयेत् । मुक्तो ऽहं सर्वपापेभ्यो रुद्रलोकं व्रजाम्य् अहम् ॥
mokṣaṇaṃ mokṣakāle ca bhasmaśeṣaṃ visarjayet | mukto 'haṃ sarvapāpebhyo rudralokaṃ vrajāmy aham ||
Sanskrit only: no published translation is held for this verse.