Atharvavedaparisistas 42.1

अथ स्नानविधिं पुण्यं वक्ष्यमाणं निबोधत । येन स्नाता दिवं लोकं प्राप्नुवन्ति द्विजोत्तमाः ॥

atha snānavidhiṃ puṇyaṃ vakṣyamāṇaṃ nibodhata | yena snātā divaṃ lokaṃ prāpnuvanti dvijottamāḥ ||

Sanskrit only: no published translation is held for this verse.

सरित्सु वा तडागे वा देवखाते ह्रदे ऽपि वा । गर्तप्रस्रवणे वापि पुण्यं स्नानं समाचरेत् ॥

saritsu vā taḍāge vā devakhāte hrade 'pi vā | gartaprasravaṇe vāpi puṇyaṃ snānaṃ samācaret ||

Sanskrit only: no published translation is held for this verse.

पारक्ये तु ताडागे हि स्नानं नैव विधीयते । तडागकर्तुर् दुष्कृतैर् लिप्यते स्नानम् आचारन् ॥

pārakye tu tāḍāge hi snānaṃ naiva vidhīyate | taḍāgakartur duṣkṛtair lipyate snānam ācāran ||

Sanskrit only: no published translation is held for this verse.

सरितां सरसां चैव अप्राप्तौ निर्झरस्य च । उद्धृत्य चतुरः पिण्डान् स्नायात् तु परखातके ॥

saritāṃ sarasāṃ caiva aprāptau nirjharasya ca | uddhṛtya caturaḥ piṇḍān snāyāt tu parakhātake ||

Sanskrit only: no published translation is held for this verse.

अन्वीक्ष्यमाणः पार्श्वानि कुशहस्तः समाहितः । द्विजो मध्यंदिनाद् अर्वाग् अरोगी स्नानम् आचरेत् ॥

anvīkṣyamāṇaḥ pārśvāni kuśahastaḥ samāhitaḥ | dvijo madhyaṃdinād arvāg arogī snānam ācaret ||

Sanskrit only: no published translation is held for this verse.

यत् ते भूम इति मृदं संगृह्य र्चा समाहितः । यस् ते गन्ध इति त्रिभिर् मृधिर् आत्मानम् आलभेत् ॥

yat te bhūma iti mṛdaṃ saṃgṛhya rcā samāhitaḥ | yas te gandha iti tribhir mṛdhir ātmānam ālabhet ||

Sanskrit only: no published translation is held for this verse.

अघद्विष्टेति सूक्तेन दूर्वां शिरसि विन्यसेत् । अग्रमग्रम् इत्य् एतया गोमयेनानुलेपयेत् ॥

aghadviṣṭeti sūktena dūrvāṃ śirasi vinyaset | agramagram ity etayā gomayenānulepayet ||

Sanskrit only: no published translation is held for this verse.

अग्रमग्रं चरन्तीनाम् ओषधीनां वनेवने । यन् मे रोगं च शोकं च तन् मे त्वं नुद गोमय ॥

agramagraṃ carantīnām oṣadhīnāṃ vanevane | yan me rogaṃ ca śokaṃ ca tan me tvaṃ nuda gomaya ||

Sanskrit only: no published translation is held for this verse.

प्रणवाद्या व्याहृतीस् तु गायत्रीं च शिरोयुताम् । पठेत् त्रिर् अनवानं हि प्राणायामः स उच्यते ॥

praṇavādyā vyāhṛtīs tu gāyatrīṃ ca śiroyutām | paṭhet trir anavānaṃ hi prāṇāyāmaḥ sa ucyate ||

Sanskrit only: no published translation is held for this verse.

अम्बयो यन्तीत्य् आदीनि त्रीणि सूक्तानि हि क्रमात् । हिरण्यवर्णा यद् अदो वायोः पूतः पुनन्तु मा ॥

ambayo yantīty ādīni trīṇi sūktāni hi kramāt | hiraṇyavarṇā yad ado vāyoḥ pūtaḥ punantu mā ||

Sanskrit only: no published translation is held for this verse.