Atharvavedaparisistas 42.2

वैश्वानरो रश्मिभिश् च तथाप्सु त इति स्मृतम् । एतैः संप्लावयेत् सूक्तैस् ततो ऽघमर्षणम् ॥

vaiśvānaro raśmibhiś ca tathāpsu ta iti smṛtam | etaiḥ saṃplāvayet sūktais tato 'ghamarṣaṇam ||

Sanskrit only: no published translation is held for this verse.

अपो दिव्याश् च सं माग्ने इदम् आपः शिवेन मा । यद् आपो नक्तम् इति च एतत् स्याद् अघमर्षणम् ॥

apo divyāś ca saṃ māgne idam āpaḥ śivena mā | yad āpo naktam iti ca etat syād aghamarṣaṇam ||

Sanskrit only: no published translation is held for this verse.

यद् आपो नक्तं मिथुनं चकार यद् वा दुद्रोह दुरितं पुराणम् । हिरण्यवर्णास् तत उत् पुनन्तु प्र मा मुञ्चन्तु वरुणस्य पाशात् ॥

yad āpo naktaṃ mithunaṃ cakāra yad vā dudroha duritaṃ purāṇam | hiraṇyavarṇās tata ut punantu pra mā muñcantu varuṇasya pāśāt ||

Sanskrit only: no published translation is held for this verse.

सरस्वतीं गयां गङ्गां नैमिषं पुष्कराणि च । स्मृत्वा तीर्थानिपुण्यात्नि अवगाहेज् जलं ततः ॥

sarasvatīṃ gayāṃ gaṅgāṃ naimiṣaṃ puṣkarāṇi ca | smṛtvā tīrthānipuṇyātni avagāhej jalaṃ tataḥ ||

Sanskrit only: no published translation is held for this verse.

गच्छतः स्नानकार्याय पितरः सह दैवतैः । पृष्ठतः त्व् अनुगच्छन्ति तत्समीपं जलार्थिनः ॥

gacchataḥ snānakāryāya pitaraḥ saha daivataiḥ | pṛṣṭhataḥ tv anugacchanti tatsamīpaṃ jalārthinaḥ ||

Sanskrit only: no published translation is held for this verse.

आशां त्यक्त्वा निवर्तन्ते वस्त्रनिष्पीडनेन तु । तस्मान् न पीडयेद् वस्त्रम् अकृत्वा पितृतर्पणम् ॥

āśāṃ tyaktvā nivartante vastraniṣpīḍanena tu | tasmān na pīḍayed vastram akṛtvā pitṛtarpaṇam ||

Sanskrit only: no published translation is held for this verse.

उत्साहं वरुणः स्नाने अग्निर् होतुः श्रियं हरेत् । आयुष्यं भुञ्जतो मृत्युस् त्रिषु मौनम् अतश् चरेत् ॥

utsāhaṃ varuṇaḥ snāne agnir hotuḥ śriyaṃ haret | āyuṣyaṃ bhuñjato mṛtyus triṣu maunam ataś caret ||

Sanskrit only: no published translation is held for this verse.

स्नानवस्त्रे मृदस् तिस्रः प्रदद्याच् छुद्धिहेतुना । ८अब् । स्नात्वा पर्युक्ष्य वासो ऽन्यच् छोध्ये जङ्घे मृदा पुनः ॥

snānavastre mṛdas tisraḥ pradadyāc chuddhihetunā | 8ab | snātvā paryukṣya vāso 'nyac chodhye jaṅghe mṛdā punaḥ ||

Sanskrit only: no published translation is held for this verse.

वस्त्रनिष्पीडतोयेन अपवित्रीकृते हि ते । उत्तिर्य वस्त्रं निष्पीड्य जपेद् आध्यात्मिकानि तु ॥

vastraniṣpīḍatoyena apavitrīkṛte hi te | uttirya vastraṃ niṣpīḍya japed ādhyātmikāni tu ||

Sanskrit only: no published translation is held for this verse.

अध्यात्मम् अस्यवामीयं कौत्सं कौष्माण्डिकं तथा । जप्त्वाथर्वशिरश् चैव भवाशर्वीयम् एव च ॥

adhyātmam asyavāmīyaṃ kautsaṃ kauṣmāṇḍikaṃ tathā | japtvātharvaśiraś caiva bhavāśarvīyam eva ca ||

Sanskrit only: no published translation is held for this verse.

प्राणाश् च भगवान् कालः पुरुषो मन्युर् एव च । उच्छिष्टो रोहितो व्रात्य एतान्य् आध्यात्मिकानि तु ॥

prāṇāś ca bhagavān kālaḥ puruṣo manyur eva ca | ucchiṣṭo rohito vrātya etāny ādhyātmikāni tu ||

Sanskrit only: no published translation is held for this verse.

संवत्सरेण यत् पापं कृतं घोरम् अविस्तरम् । जप्त्वैतानि ततः पापान् मुच्यते नात्र संशयः ॥

saṃvatsareṇa yat pāpaṃ kṛtaṃ ghoram avistaram | japtvaitāni tataḥ pāpān mucyate nātra saṃśayaḥ ||

Sanskrit only: no published translation is held for this verse.

विषासहिं मनसा हि जप्त्वा गायत्रीं च तथा त्रिदिवं प्रायाति । परिभ्रष्टस् त्रिदिवात् तपःक्षये जातिस्मरत्वं पुनर् एव विन्दते ॥

viṣāsahiṃ manasā hi japtvā gāyatrīṃ ca tathā tridivaṃ prāyāti | paribhraṣṭas tridivāt tapaḥkṣaye jātismaratvaṃ punar eva vindate ||

Sanskrit only: no published translation is held for this verse.