Atharvavedaparisistas 46.8

आवर्तनान्तं सामान्यं व्याहृत्याद्य् उभयोर् अपि । एतत् सामासिकं प्रोक्तम् आदेशोद्दीक्षणं बुधैः ॥

āvartanāntaṃ sāmānyaṃ vyāhṛtyādy ubhayor api | etat sāmāsikaṃ proktam ādeśoddīkṣaṇaṃ budhaiḥ ||

Sanskrit only: no published translation is held for this verse.

व्रतेषु दक्षिणा धेनुः कल्याणी तरुणी च या । अनड्वान् वा धुरंधरस् तत्समं वापि काञ्चनम् ॥

vrateṣu dakṣiṇā dhenuḥ kalyāṇī taruṇī ca yā | anaḍvān vā dhuraṃdharas tatsamaṃ vāpi kāñcanam ||

Sanskrit only: no published translation is held for this verse.

सावित्र्या अथ वेदस्य कल्पानां तदनन्तरम् । मैलं मैलोत्तरं चैव षष्ठं संमितम् उच्यते ॥

sāvitryā atha vedasya kalpānāṃ tadanantaram | mailaṃ mailottaraṃ caiva ṣaṣṭhaṃ saṃmitam ucyate ||

Sanskrit only: no published translation is held for this verse.

षड्व्रतं ब्राह्मणं विद्यात् त्रिव्रतं क्षत्रियं विदुः । द्विव्रतस् तु भवेद् वैश्य एतद् आचार्यशासनम् ॥

ṣaḍvrataṃ brāhmaṇaṃ vidyāt trivrataṃ kṣatriyaṃ viduḥ | dvivratas tu bhaved vaiśya etad ācāryaśāsanam ||

Sanskrit only: no published translation is held for this verse.

विषासहिं सहमानम् अग्निर् मा गोप्ता ओ चित् सखायम् इत एत उदारुहन् धनुर् हस्ताद् एतद् आ रोह चन्द्रमा अप्स्व् इति ॥

viṣāsahiṃ sahamānam agnir mā goptā o cit sakhāyam ita eta udāruhan dhanur hastād etad ā roha candramā apsv iti ||

Sanskrit only: no published translation is held for this verse.