Atharvavedaparisistas 5

ओम् अथ पुष्याभिषेकस्य विधिं वक्ष्यामि सांपदम् । धर्मार्थकामसंयुक्तं राजा कुर्यात् पुरोहितम् ॥

om atha puṣyābhiṣekasya vidhiṃ vakṣyāmi sāṃpadam | dharmārthakāmasaṃyuktaṃ rājā kuryāt purohitam ||

Sanskrit only: no published translation is held for this verse.

सौवर्णराजतैस् ताम्रैः कलशैः पार्थिवैर् अपि । सहस्रेण शतेनाथ तोयग्रहणम् इष्यते ॥

sauvarṇarājatais tāmraiḥ kalaśaiḥ pārthivair api | sahasreṇa śatenātha toyagrahaṇam iṣyate ||

Sanskrit only: no published translation is held for this verse.

चतुर्णां सागराणां तु नदीनां च शतस्य तु । अभिषेकाय राज्ञस् तु तोयम् आहृत्य यत्नतः ॥

caturṇāṃ sāgarāṇāṃ tu nadīnāṃ ca śatasya tu | abhiṣekāya rājñas tu toyam āhṛtya yatnataḥ ||

Sanskrit only: no published translation is held for this verse.

एकद्वित्रिचतुर्णां वा सागरस्य तु पञ्चमम् । ओषधीस् तेषु सर्वेषु कलशेषूपकल्पयेत् ॥

ekadvitricaturṇāṃ vā sāgarasya tu pañcamam | oṣadhīs teṣu sarveṣu kalaśeṣūpakalpayet ||

Sanskrit only: no published translation is held for this verse.

सहा च दहदेवी च बला चातिबला तथा । मदयन्ती वचा श्वेता व्याघ्रदन्ती सुमङ्गला ॥

sahā ca dahadevī ca balā cātibalā tathā | madayantī vacā śvetā vyāghradantī sumaṅgalā ||

Sanskrit only: no published translation is held for this verse.

शतावरी जयन्ती च शतपुष्पा सचन्दना । प्रियङ्गू रोचनो अशीरम् अमृता च ससारिका ॥

śatāvarī jayantī ca śatapuṣpā sacandanā | priyaṅgū rocano aśīram amṛtā ca sasārikā ||

Sanskrit only: no published translation is held for this verse.

अश्वत्थप्लक्षबिल्वानां न्यग्रोधपनसस्य च । शिरीषाम्रकपित्थानां पल्लवैः समलंकृतान् ॥

aśvatthaplakṣabilvānāṃ nyagrodhapanasasya ca | śirīṣāmrakapitthānāṃ pallavaiḥ samalaṃkṛtān ||

Sanskrit only: no published translation is held for this verse.

हेमरत्नौषधीबिल्वपुष्पगन्धाधिवासितान् । आच्छादितान् सितैर् वस्त्रैर् अभिमन्त्र्य पुरोहितः ॥

hemaratnauṣadhībilvapuṣpagandhādhivāsitān | ācchāditān sitair vastrair abhimantrya purohitaḥ ||

Sanskrit only: no published translation is held for this verse.

सावित्र्य् उभयतः कुर्याच् छं नो देवी तथैव च । हिरण्यवर्णाः सूक्तं च अनुवाकाद्यम् एव च ॥

sāvitry ubhayataḥ kuryāc chaṃ no devī tathaiva ca | hiraṇyavarṇāḥ sūktaṃ ca anuvākādyam eva ca ||

Sanskrit only: no published translation is held for this verse.

धरणी पादपीठं स्याद् दूर्वामूलाङ्कुरान् शुभान् । तस्योपरि न्यसेत् पीठं हैमं रौप्यम् अथापि वा ॥

dharaṇī pādapīṭhaṃ syād dūrvāmūlāṅkurān śubhān | tasyopari nyaset pīṭhaṃ haimaṃ raupyam athāpi vā ||

Sanskrit only: no published translation is held for this verse.

अनडुद्व्याघ्रसिंहानां मृगस्य च यथाक्रमम् । चत्वारि चर्माण्य् एतानि पूर्वाद् आरभ्य विन्यसेत् ॥

anaḍudvyāghrasiṃhānāṃ mṛgasya ca yathākramam | catvāri carmāṇy etāni pūrvād ārabhya vinyaset ||

Sanskrit only: no published translation is held for this verse.

चातुर्होत्रविधानेन जुहुयाच् च पुरोहितः । चतुर्दिक्षु स्थितैर् विप्रैर् वेदवेदाङ्गपारगैः ॥

cāturhotravidhānena juhuyāc ca purohitaḥ | caturdikṣu sthitair viprair vedavedāṅgapāragaiḥ ||

Sanskrit only: no published translation is held for this verse.

बिल्वाहारः फलाहारः पयसा वापि वर्तयेत् । सप्तरात्रं घृताशी व ततो होमं प्रयोजयेत् ॥

bilvāhāraḥ phalāhāraḥ payasā vāpi vartayet | saptarātraṃ ghṛtāśī va tato homaṃ prayojayet ||

Sanskrit only: no published translation is held for this verse.

गव्येन पयसा कुर्यात् सौवर्णेन स्रुवेण तु । वेदानाम् आदिभिर् मन्त्रैर् महाव्याहृतिपूर्वकैः ॥

gavyena payasā kuryāt sauvarṇena sruveṇa tu | vedānām ādibhir mantrair mahāvyāhṛtipūrvakaiḥ ||

Sanskrit only: no published translation is held for this verse.

शर्मवर्मा गणश् चैव तथा स्याद् अपराजितः । आयुष्यश् चाभयश् चैव तथा स्वस्त्ययनो गणः ॥

śarmavarmā gaṇaś caiva tathā syād aparājitaḥ | āyuṣyaś cābhayaś caiva tathā svastyayano gaṇaḥ ||

Sanskrit only: no published translation is held for this verse.

एतान् पञ्च गणान् हुत्वा वाचयेत द्विजोत्तमान् । हिरण्येनाक्षतार्घेण फलैश् च मधुसर्पिषा ॥

etān pañca gaṇān hutvā vācayeta dvijottamān | hiraṇyenākṣatārgheṇa phalaiś ca madhusarpiṣā ||

Sanskrit only: no published translation is held for this verse.

पुण्याहं वाचयित्वास्य आरम्भं कारयेद् बुधः । तिष्यनक्षत्रसंयुक्ते महूर्ते करणे शुभे ॥

puṇyāhaṃ vācayitvāsya ārambhaṃ kārayed budhaḥ | tiṣyanakṣatrasaṃyukte mahūrte karaṇe śubhe ||

Sanskrit only: no published translation is held for this verse.

उच्चैर्घोष इति तूर्याण्य् अभिमन्त्र्य पुरोहितः । सर्वतूर्यनिनादेन अभिषिक्तो ह्य् अलंकृतः ॥

uccairghoṣa iti tūryāṇy abhimantrya purohitaḥ | sarvatūryaninādena abhiṣikto hy alaṃkṛtaḥ ||

Sanskrit only: no published translation is held for this verse.

सिंहासनं समारुह्य पीठिकां वा यथाक्रमम् । चामरछत्त्रसंयुक्तं प्रतिहारविभूषितम् ॥

siṃhāsanaṃ samāruhya pīṭhikāṃ vā yathākramam | cāmarachattrasaṃyuktaṃ pratihāravibhūṣitam ||

Sanskrit only: no published translation is held for this verse.

मत्तद्विपचतुष्कं च चतुर्दिक्षु प्रकल्पयेत् । उपविष्टस् ततो राजा प्रजानां कारयेद् धितम् । अकरा ब्राह्मणा गावः स्त्रीबालजडरोगिणः ॥

mattadvipacatuṣkaṃ ca caturdikṣu prakalpayet | upaviṣṭas tato rājā prajānāṃ kārayed dhitam | akarā brāhmaṇā gāvaḥ strībālajaḍarogiṇaḥ ||

Sanskrit only: no published translation is held for this verse.

ततस् तु दर्शनं देयं ब्राह्मणानां नृपेण तु । श्रेणीप्रकृतिमुख्यानां स्त्रीजनं च नमस्करेत् ॥

tatas tu darśanaṃ deyaṃ brāhmaṇānāṃ nṛpeṇa tu | śreṇīprakṛtimukhyānāṃ strījanaṃ ca namaskaret ||

Sanskrit only: no published translation is held for this verse.

आशिषस् ते हि दास्यन्ति तुष्टा जनपदा भुवि । एवं प्रजानुरज्येत पृथिवी च वशा भवेत् ॥

āśiṣas te hi dāsyanti tuṣṭā janapadā bhuvi | evaṃ prajānurajyeta pṛthivī ca vaśā bhavet ||

Sanskrit only: no published translation is held for this verse.

पुरोहितं मन्त्रिणं च सेनाध्यक्षं तथैव च । अश्वाध्यक्षं गजाध्यक्षं कोष्ठागारपतिं तथा ॥

purohitaṃ mantriṇaṃ ca senādhyakṣaṃ tathaiva ca | aśvādhyakṣaṃ gajādhyakṣaṃ koṣṭhāgārapatiṃ tathā ||

Sanskrit only: no published translation is held for this verse.

भाण्डागारपतिं वैद्यं दैवज्ञं च यथाक्रमम् । यथार्हेण च योगेन सर्वान् संपूजयेन् नृपः ॥

bhāṇḍāgārapatiṃ vaidyaṃ daivajñaṃ ca yathākramam | yathārheṇa ca yogena sarvān saṃpūjayen nṛpaḥ ||

Sanskrit only: no published translation is held for this verse.

राज्यं पुरोहिते न्यस्य शेषाणां च यथाक्रमम् । स्थानान्तराणि चान्यानि दत्त्वा सुखम् अवाप्नुयात् ॥

rājyaṃ purohite nyasya śeṣāṇāṃ ca yathākramam | sthānāntarāṇi cānyāni dattvā sukham avāpnuyāt ||

Sanskrit only: no published translation is held for this verse.

दूर्वासिद्धार्थकान् सर्पिः शमीर् व्रीहियवौ तथा शुक्लानि चैव पुष्पाणि मूर्ध्नि दद्यात् पुरोहितः ॥

dūrvāsiddhārthakān sarpiḥ śamīr vrīhiyavau tathā śuklāni caiva puṣpāṇi mūrdhni dadyāt purohitaḥ ||

Sanskrit only: no published translation is held for this verse.

अथर्वविहितो ह्य् एष विधिः पुष्याभिषेचने । राजा स्नातो महीं भुङ्क्ते शक्रलोकं स गच्छति ॥

atharvavihito hy eṣa vidhiḥ puṣyābhiṣecane | rājā snāto mahīṃ bhuṅkte śakralokaṃ sa gacchati ||

Sanskrit only: no published translation is held for this verse.