Library·Atharvavedaparisistas·50·50.1
ॐ वृत्तं प्रातर् अमावास्यां पश्चाद् दृश्येत चन्द्रमाः । तस्य वर्णं गतिं रूपं स्थानं चैवोच्चनीचताम् ॥
oṃ vṛttaṃ prātar amāvāsyāṃ paścād dṛśyeta candramāḥ | tasya varṇaṃ gatiṃ rūpaṃ sthānaṃ caivoccanīcatām ||
Sanskrit only: no published translation is held for this verse.
ह्रासवृद्धिं च शृङ्गाणां नक्षत्रं यच् च योजयेत् । तानि लक्षेत सोमस्य वर्षावर्षं भयाभयम् ॥
hrāsavṛddhiṃ ca śṛṅgāṇāṃ nakṣatraṃ yac ca yojayet | tāni lakṣeta somasya varṣāvarṣaṃ bhayābhayam ||
Sanskrit only: no published translation is held for this verse.
प्रथमे दर्शने त्व् इन्दोः समासाद्य यदा ग्रहम् । उत्तरं वर्धते शृङ्गं नीचीभवति दक्षिणम् ॥
prathame darśane tv indoḥ samāsādya yadā graham | uttaraṃ vardhate śṛṅgaṃ nīcībhavati dakṣiṇam ||
Sanskrit only: no published translation is held for this verse.
एवम् एव श्रविष्ठाभ्यस् तेषाम् अन्ते च चन्द्रमाः । उद्यच्छेद् दक्षिणं शृङ्गं नीचीभवति चोत्तरम् ॥
evam eva śraviṣṭhābhyas teṣām ante ca candramāḥ | udyacched dakṣiṇaṃ śṛṅgaṃ nīcībhavati cottaram ||
Sanskrit only: no published translation is held for this verse.
अनुपश्येत राष्ट्रं च अन्तर्गिरिमहागिरिम् । विदर्भान् मद्रकांश् चैव भरतांश् चापि सर्वतः ॥
anupaśyeta rāṣṭraṃ ca antargirimahāgirim | vidarbhān madrakāṃś caiva bharatāṃś cāpi sarvataḥ ||
Sanskrit only: no published translation is held for this verse.