Atharvavedaparisistas 50.3

लक्षणाद् वा भवेत् स्थूलः काये शृङ्गे च हीयते । अल्पे शरीरे दुर्भिक्षं भयं रोगं विनिर्दिशेत् ॥

lakṣaṇād vā bhavet sthūlaḥ kāye śṛṅge ca hīyate | alpe śarīre durbhikṣaṃ bhayaṃ rogaṃ vinirdiśet ||

Sanskrit only: no published translation is held for this verse.

यदा प्रतिपदश् चन्द्रः प्रकृत्या विकृतो भवेत् । अनुद्भिन्नो विलूनो वा राजमृत्युं विनिर्दिशेत् ॥

yadā pratipadaś candraḥ prakṛtyā vikṛto bhavet | anudbhinno vilūno vā rājamṛtyuṃ vinirdiśet ||

Sanskrit only: no published translation is held for this verse.

षष्ठ्यां मध्यं यदा गच्छेद् राजा वध्येत पार्थिवः । अवन्तीनां च पूर्वार्धं मागधाश् च विशेषतः ॥

ṣaṣṭhyāṃ madhyaṃ yadā gacched rājā vadhyeta pārthivaḥ | avantīnāṃ ca pūrvārdhaṃ māgadhāś ca viśeṣataḥ ||

Sanskrit only: no published translation is held for this verse.

परं कुमारेष्व् अष्टम्यां राजानं दशमी परम् । एवं च पक्षापचये मध्ये दृश्येत द्वादशी ॥

paraṃ kumāreṣv aṣṭamyāṃ rājānaṃ daśamī param | evaṃ ca pakṣāpacaye madhye dṛśyeta dvādaśī ||

Sanskrit only: no published translation is held for this verse.

हन्ति पञ्चनदं तत्र राजानं सुमहद्बलम् । सर्वांश् च कुर्याद् राज्ञस् तु तस्मिन्न् उत्पातदर्शने ॥

hanti pañcanadaṃ tatra rājānaṃ sumahadbalam | sarvāṃś ca kuryād rājñas tu tasminn utpātadarśane ||

Sanskrit only: no published translation is held for this verse.