अद्भुतानि च दृश्यन्ते तस्मिन्न् उत्पातदर्शने । वैश्वानरपथं प्राप्तः समुद्रम् अपि शोषयेत् ॥
adbhutāni ca dṛśyante tasminn utpātadarśane | vaiśvānarapathaṃ prāptaḥ samudram api śoṣayet ||
Sanskrit only: no published translation is held for this verse.
Library·Atharvavedaparisistas·50·50.4
Atharvavedaparisistas 50.4
कृत्तिकानां मघानां च रोहिण्याश् च विशाखयोः । एतेषाम् उत्तरो मार्गो राजवीथीति तां विदुः ॥
kṛttikānāṃ maghānāṃ ca rohiṇyāś ca viśākhayoḥ | eteṣām uttaro mārgo rājavīthīti tāṃ viduḥ ||
Sanskrit only: no published translation is held for this verse.
यदीमं मार्गम् आस्थाय चन्द्रमा विनिवर्तते । नावर्षा उत्तमा ज्ञेया योगक्षेमं तथैव च ॥
yadīmaṃ mārgam āsthāya candramā vinivartate | nāvarṣā uttamā jñeyā yogakṣemaṃ tathaiva ca ||
Sanskrit only: no published translation is held for this verse.
गजवीथीं नागवीथीं यदि गच्छति चन्द्रमाः । ॥॥। गोवीथीति तदाप्य् आहुर् गर्गस्य वचनं यथा ॥
gajavīthīṃ nāgavīthīṃ yadi gacchati candramāḥ | ..... govīthīti tadāpy āhur gargasya vacanaṃ yathā ||
Sanskrit only: no published translation is held for this verse.
अष्टौ स्थानानि चन्द्रस्य क्रोष्टुकिर् यानि वेद वै । नौस्थायी लाङ्गली चैव तृतीयश् चोत्तरोन्नतः ॥
aṣṭau sthānāni candrasya kroṣṭukir yāni veda vai | nausthāyī lāṅgalī caiva tṛtīyaś cottaronnataḥ ||
Sanskrit only: no published translation is held for this verse.
दण्डस्थायी चतुर्थस् तु दण्डशायी तु पञ्चमः । षष्थस् तु यूपस्थायी स्यात् पार्श्वशायी तु सप्तमः ॥
daṇḍasthāyī caturthas tu daṇḍaśāyī tu pañcamaḥ | ṣaṣthas tu yūpasthāyī syāt pārśvaśāyī tu saptamaḥ ||
Sanskrit only: no published translation is held for this verse.
अष्टमो ऽवाङ्शिराश् चैव फलम् अस्य निबोधत । राजानः स्वेषु राष्ट्रेषु युक्तदण्डाः प्रशासति ॥
aṣṭamo 'vāṅśirāś caiva phalam asya nibodhata | rājānaḥ sveṣu rāṣṭreṣu yuktadaṇḍāḥ praśāsati ||
Sanskrit only: no published translation is held for this verse.