लाङ्गली ग्रसते लोकान् युगान्तं प्रतिपादयेत् । मारीं समधिकाम् आहुर् यदा स्याद् उत्तरोन्नतः ॥
lāṅgalī grasate lokān yugāntaṃ pratipādayet | mārīṃ samadhikām āhur yadā syād uttaronnataḥ ||
Sanskrit only: no published translation is held for this verse.
Library·Atharvavedaparisistas·50·50.5
Atharvavedaparisistas 50.5
दण्डस्थायी त्व् अमात्यानां भयं रोगं विनिर्दिशेत् । शक्तिछेदा ग्रन्थिछेदा गोस्तेनाः पारदारिकाः ॥
daṇḍasthāyī tv amātyānāṃ bhayaṃ rogaṃ vinirdiśet | śaktichedā granthichedā gostenāḥ pāradārikāḥ ||
Sanskrit only: no published translation is held for this verse.
एते देशान् विलुम्पन्ति दण्डस्थायी यदा भवेत् । दण्डशायी तु विप्राणां भयं तत्र विनिर्दिशेत् ॥
ete deśān vilumpanti daṇḍasthāyī yadā bhavet | daṇḍaśāyī tu viprāṇāṃ bhayaṃ tatra vinirdiśet ||
Sanskrit only: no published translation is held for this verse.
यूपस्थायी तु धान्यानां भयं तत्र विनिर्दिशेत् । हरिते शरीरे सोमस्य पशूनां वधम् आदिशेत् ॥
yūpasthāyī tu dhānyānāṃ bhayaṃ tatra vinirdiśet | harite śarīre somasya paśūnāṃ vadham ādiśet ||
Sanskrit only: no published translation is held for this verse.
कृष्णे शरीरे सोमस्य शूद्राणां वधम् आदिशेत् । पीते शरीरे सोमस्य वैश्यानां वधम् आदिशेत्
kṛṣṇe śarīre somasya śūdrāṇāṃ vadham ādiśet | pīte śarīre somasya vaiśyānāṃ vadham ādiśet
Sanskrit only: no published translation is held for this verse.
रक्ते शरीरे सोमस्य राज्ञां तु वधम् आदिशेत् । शुक्ले शरीरे सोमस्य ब्रह्मवृद्धिं विनिर्दिशेत् ॥
rakte śarīre somasya rājñāṃ tu vadham ādiśet | śukle śarīre somasya brahmavṛddhiṃ vinirdiśet ||
Sanskrit only: no published translation is held for this verse.