Atharvavedaparisistas 50.6

स्निग्धः पीतः सुवर्णाभः पक्षादौ यदि चन्द्रमाः । गोस्थायी संप्रदृश्येत विप्रवृद्धिं विनिर्दिशेत् ॥

snigdhaḥ pītaḥ suvarṇābhaḥ pakṣādau yadi candramāḥ | gosthāyī saṃpradṛśyeta vipravṛddhiṃ vinirdiśet ||

Sanskrit only: no published translation is held for this verse.

उच्चस्थाने यदा पीतः समशृङ्गः शशी भवेत् । नागवीथीगतः स्निग्धः स सर्वगुणपूजितः ॥

uccasthāne yadā pītaḥ samaśṛṅgaḥ śaśī bhavet | nāgavīthīgataḥ snigdhaḥ sa sarvaguṇapūjitaḥ ||

Sanskrit only: no published translation is held for this verse.

धूम्राभो लाङ्गलस्थायी श्रीमान् सलक्ष्ममण्डलः । पक्षादौ यदि दृश्येत ब्रह्मक्षत्रसुखावः ॥

dhūmrābho lāṅgalasthāyī śrīmān salakṣmamaṇḍalaḥ | pakṣādau yadi dṛśyeta brahmakṣatrasukhāvaḥ ||

Sanskrit only: no published translation is held for this verse.

राजवीथीं तु संप्राप्त उग्रदण्डी यदा भवेत् । हरिद्राकुङ्कुमाभश् च श्मशानम् अवलोकयेत् ॥

rājavīthīṃ tu saṃprāpta ugradaṇḍī yadā bhavet | haridrākuṅkumābhaś ca śmaśānam avalokayet ||

Sanskrit only: no published translation is held for this verse.

मृत्युं संयोजयेत् सोमो बालाकृतिर् अवाङ्छिराः । लाक्षारुधिरसंकाशो धनुःस्थायी यदा भवेत् ॥

mṛtyuṃ saṃyojayet somo bālākṛtir avāṅchirāḥ | lākṣārudhirasaṃkāśo dhanuḥsthāyī yadā bhavet ||

Sanskrit only: no published translation is held for this verse.