Atharvavedaparisistas 50.7

संग्रामं योजयेत् सोमो लोके तु तुमुलं भयम् । द्विचन्द्रं गगनं दृष्ट्वा ब्रूयाद् ब्रह्मवधो महान् ॥

saṃgrāmaṃ yojayet somo loke tu tumulaṃ bhayam | dvicandraṃ gaganaṃ dṛṣṭvā brūyād brahmavadho mahān ||

Sanskrit only: no published translation is held for this verse.

द्वौ सूर्यौ वा यदा स्यातां तदा क्षत्रवधो महान् । दृष्ट्वा तु चतुरः सूर्यान् उदितान् सर्वतोदिशम् ॥

dvau sūryau vā yadā syātāṃ tadā kṣatravadho mahān | dṛṣṭvā tu caturaḥ sūryān uditān sarvatodiśam ||

Sanskrit only: no published translation is held for this verse.

शस्त्रेण जनमारेण तद् युगान्तस्य लक्षणम् । आदित्ये पाण्डुरं छत्त्रं संध्यावेलां यदा भवेत् ॥

śastreṇa janamāreṇa tad yugāntasya lakṣaṇam | āditye pāṇḍuraṃ chattraṃ saṃdhyāvelāṃ yadā bhavet ||

Sanskrit only: no published translation is held for this verse.

देशस्य विद्रवं सूर्यो राजमृत्युं विनिर्दिशेत् । आदित्यस्य रथः श्वेतः संध्यावेलां यदा भवेत् ॥

deśasya vidravaṃ sūryo rājamṛtyuṃ vinirdiśet | ādityasya rathaḥ śvetaḥ saṃdhyāvelāṃ yadā bhavet ||

Sanskrit only: no published translation is held for this verse.

प्रत्यासन्नं भयं विद्यात् तस्मिन्न् उत्पातदर्शने ॥

pratyāsannaṃ bhayaṃ vidyāt tasminn utpātadarśane ||

Sanskrit only: no published translation is held for this verse.