Atharvavedaparisistas 50.9

क्षेमं विकुक्षिले ब्रूयात् स्थालीपिठरसंस्थिते । संक्षिप्ते क्षीयते लोको दुर्भिक्षं वज्रसंस्थिते ॥

kṣemaṃ vikukṣile brūyāt sthālīpiṭharasaṃsthite | saṃkṣipte kṣīyate loko durbhikṣaṃ vajrasaṃsthite ||

Sanskrit only: no published translation is held for this verse.

दिवा ह्य् अस्मिन् पतत्य् उल्का सततं कम्पते मही । अपर्वाशनिनिर्घोषाः संध्या च ज्वलनच्छवा ॥

divā hy asmin pataty ulkā satataṃ kampate mahī | aparvāśaninirghoṣāḥ saṃdhyā ca jvalanacchavā ||

Sanskrit only: no published translation is held for this verse.

नक्षत्रपातस्योत्पत्तिर् धूमस्य रजसो ऽपि वा । शृङ्गं भवत्य् आदित्यस्य तृणकाष्ठं च शुष्यति ॥

nakṣatrapātasyotpattir dhūmasya rajaso 'pi vā | śṛṅgaṃ bhavaty ādityasya tṛṇakāṣṭhaṃ ca śuṣyati ||

Sanskrit only: no published translation is held for this verse.

राजानो ह्य् अशिवास् तत्र चित्रं वर्षति माधवः । द्वादशानां तु मासानां मध्ये नश्यति पार्थिवः ॥

rājāno hy aśivās tatra citraṃ varṣati mādhavaḥ | dvādaśānāṃ tu māsānāṃ madhye naśyati pārthivaḥ ||

Sanskrit only: no published translation is held for this verse.

कार्त्तिक्यां शुक्लपक्षस्य बहुलस्य त्रयोदशीम् । विद्यात् तु स्वातिसंपातं दिवसान् एकविंशतिम् ॥

kārttikyāṃ śuklapakṣasya bahulasya trayodaśīm | vidyāt tu svātisaṃpātaṃ divasān ekaviṃśatim ||

Sanskrit only: no published translation is held for this verse.

सप्ताहं तु भवेद् गोषु सप्ताहं मृगपक्षिषु । मानुषेषु च सप्ताहं ततः श्रेयस् तु कल्पयेत् ॥

saptāhaṃ tu bhaved goṣu saptāhaṃ mṛgapakṣiṣu | mānuṣeṣu ca saptāhaṃ tataḥ śreyas tu kalpayet ||

Sanskrit only: no published translation is held for this verse.