Atharvavedaparisistas 51.1

ॐ के चिद् ग्रहा नाररान् आश्रयन्ते के चिद् ग्रहा [ज्योतिषि] संग्रहे च । ग्रहो ग्रहेणैव हतः कथं स्याद् विज्ञाय तत्त्वं भगवान् ब्रवीतु ॥

oṃ ke cid grahā nārarān āśrayante ke cid grahā [jyotiṣi] saṃgrahe ca | graho graheṇaiva hataḥ kathaṃ syād vijñāya tattvaṃ bhagavān bravītu ||

Sanskrit only: no published translation is held for this verse.

एवं स पृष्टो मुनिभिर् महात्मा प्रोवाच गर्गो ग्रहयुद्धतन्त्रम् । पराजयं चैव जयं च तेषां शुभासुभम्(अशुभम्ञ्) चैव जगद्धिताय ॥

evaṃ sa pṛṣṭo munibhir mahātmā provāca gargo grahayuddhatantram | parājayaṃ caiva jayaṃ ca teṣāṃ śubhāsubham(aśubhamñ) caiva jagaddhitāya ||

Sanskrit only: no published translation is held for this verse.

अर्को जातः कलिङ्गेषु यवनेषु च चन्द्रमाः । अङ्गारकस् त्व् अवन्त्यायां मगधायां बुधस् तथा ॥

arko jātaḥ kaliṅgeṣu yavaneṣu ca candramāḥ | aṅgārakas tv avantyāyāṃ magadhāyāṃ budhas tathā ||

Sanskrit only: no published translation is held for this verse.

बृहस्पतिः सैन्धवेषु महाराष्ट्रे तु भार्गवः । शनैश्चरः सुराष्ट्रायां राहुस् तु गिरिशृङ्गजः । केतुर् मलयके जात इत्य् एतद् ग्रहजातकम् ॥

bṛhaspatiḥ saindhaveṣu mahārāṣṭre tu bhārgavaḥ | śanaiścaraḥ surāṣṭrāyāṃ rāhus tu giriśṛṅgajaḥ | ketur malayake jāta ity etad grahajātakam ||

Sanskrit only: no published translation is held for this verse.

यस्मिन् देशे तु यो जातः स ग्रहः पीड्यते यदा तं देशं घातितं विद्याद् दुर्भिक्षेण भयेन वा ॥

yasmin deśe tu yo jātaḥ sa grahaḥ pīḍyate yadā taṃ deśaṃ ghātitaṃ vidyād durbhikṣeṇa bhayena vā ||

Sanskrit only: no published translation is held for this verse.